قىتايداعى گران-پري تۋرنيرىندە 8 قازاقستاندىق دزيۋدوشى باق سىنايدى

استانا. KAZINFORM - جۋىردا قىتايدىڭ تسينداو قالاسىندا دزيۋدودان گران-پري تۋرنيرى وتەدى.

ۇلتتىق وليمپيادالىق كوميتەتتىڭ مالىمەتىنشە، جارىستىڭ العاشقى كۇنى 26-قىركۇيەككە جوسپارلانعان.

بۇل باسەكەدە قازاقستان قۇراماسىنىڭ اتىنان 8 سپورتشى سىنعا تۇسەدى.

ولاردىڭ بارلىعى ەرلەر اراسىندا باق سىنايدى. حالىقارالىق فەدەراتسيانىڭ مالىمەتىنە سايكەس، قۇرامعا ەنگەن سپورتشىلار تومەندەگىدەي:

60 كەلىگە دەيىن: الديار قارعۇلوۆ، داۋرەن سۇيەۋكەنوۆ

66 كەلىگە دەيىن: نۇرمۇحامەت بوتاباي، ەرداۋلەت بوسجا

73 كەلىگە دەيىن: قۋان بارىس، بەرەكە راحماتۋللا ۇلى

81 كەلىگە دەيىن: ادىلەت المات، ايعالي قالدىبەك

ەسكە سالا كەتەيىك، وسىعان دەيىن دزيۋدودان قازاقستان جاستار قۇراماسى ازيا چەمپيوناتىن تابىستى اياقتاعانىن جازعان ەدىك.