قىتايداعى قازاقستان تۋريزمى جىلى: كورشىلەرىمىزدى ەلىمىزگە ساياحاتتاۋعا قالاي قىزىقتىرامىز
بيىل قىتايدا «قازاقستان تۋريزمى جىلى» وتەدى. اتاۋلى جىل ناۋرىز ايىندا باستالادى. قىتايلىق تۋريستەردى قىزىقتىرىپ، ەلىمىزگە ساپار شەگۋى ءۇشىن ءارتۇرلى ءىس-شارالار وتكىزۋ جوسپاردا بار، دەپ حابارلايدى BAQ. KZ.
جاۋاپتى ورگاندار ەلىمىزدى اسپان استى ەلىندە قالاي تانىستىرادى؟ قازاقتىڭ مادەنيەتى مەن سالت- ءداستۇرىن تانىستىرۋ ءۇشىن قانداي ءىس شارالار وتكىزىلەدى؟ رەداكتسيامىز جولداعان سۇراقتارعا «Kazakh Tourism» ۇلتتىق كومپانياسى» ا ق باسپا ءسوز قىزمەتى جاۋاپ بەردى.
قازاق- قىتاي قاتىناسىنىڭ جاڭا دەڭگەيى
پرەزيدەنت قاسىم- جومارت توقايەۆ «ءبىر بەلدەۋ، ءبىر جول» حالىقارالىق ىنتىماقتاستىعىنىڭ III فورۋمىنا قاتىسۋعا قازان ايىندا بەيجىڭگە بارعان بولاتىن. فورۋم اياسىندا ەكى ەل باسشىلارى كەلىسسوزدەر وتكىزىپ، ءبىرقاتار قۇجاتقا قول قويدى.
وسى كەزدەسۋدە 2024 -جىل - قىتايداعى قازاقستان تۋريزمى جىلى بولىپ جاريالانعان ەدى.
ءبىز بارلىق باعىت بويىنشا ءتيىمدى مەملەكەتارالىق ىقپالداستىقتى جولعا قويدىق. ءسىزدىڭ بىلتىر (2023 -جىلى - رەد. ) قىركۇيەك ايىندا قازاقستانعا جاساعان مەملەكەتتىك ساپارىڭىز ءوزارا بايلانىستاردىڭ بارىنشا نىعايۋىنا تىڭ سەرپىن بەردى. ساپار اياسىندا ەلدەرىمىز اراسىنداعى ىنتىماقتاستىقتىڭ جاڭا «التىن 30 جىلدىعى» باستالدى. مەملەكەتتەرىمىز اراسىنداعى ساۋدا-ساتتىق تابىستى دامىپ كەلەدى. ايتارلىقتاي ءوسىم بار. ينۆەستيتسيانىڭ جالپى كولەمى 21 ميلليارد دوللار بولاتىن 52 بىرلەسكەن جوبا جۇزەگە اسىرىلىپ جاتىر. 2024 -جىل قىتايدا قازاقستان تۋريزمى جىلى بولىپ جاريالاندى. بۇل وسى سالا ءۇشىن مول مۇمكىندىكتەرگە جول اشادى. ءوزارا مادەني-گۋمانيتارلىق بايلانىستار ءۇشىن قولايلى جاعداي جاسالىپ جاتىر. مەملەكەتارالىق قارىم-قاتىناستاردى مۇلدەم جاڭا دەڭگەيگە شىعارۋ ءۇشىن قازاقستاننىڭ دا، قىتايدىڭ دا وراسان زور الەۋەتى بار دەپ سانايمىن. وسى مۇمكىندىكتى پايدالانىپ، قۇرمەتتى ءتوراعا شي جينپيڭ، ءسىزدى كەلەسى جىلى (2024 -جىلى - رەد. ) قازاقستانعا مەملەكەتتىك ساپارمەن كەلۋگە شاقىرامىن، - دەگەن ەدى قاسىم-جومارت توقايەۆ.
قىتايداعى قازاقستان تۋريزمى جىلى قاشان باستالادى؟
قىتايداعى قازاقستان تۋريزمى جىلىنىڭ اشىلۋ سالتاناتىن وتكىزۋ بيىل ناۋرىز ايىنىڭ سوڭىنا جوسپارلانىپ وتىر. اتاپ ايتقاندا، 28-ناۋرىزدا بەيجىڭ قالاسىندا تۋريزم مەن ينۆەستيسيالار بويىنشا فورۋم وتەدى، ال 29-ناۋرىزدا قازاقستان تۋريزمى جىلىنىڭ رەسمي اشىلۋ ءراسىمى وتەدى. سونىمەن قاتار قازاقستاننىڭ 2024 -جىلعى 29-31-ناۋرىز ارالىعىندا سيان قالاسىندا وتەتىن «جىبەك جولى» حالىقارالىق تۋريستىك كورمەسىنە قاتىسۋى جوسپارلانىپ وتىر.
قازاقستان قىتايدا قانداي ءىس-شارا وتكىزەدى؟
بيىل قىتايداعى بەيجىڭ، شاڭحاي، شيان، ءۇرىمجى، چىڭدۋ جانە ت. ب. ءىرى قالالاردا 25 كە جۋىق ءىس-شارا وتكىزۋ جوسپارلانىپ وتىر.
اتاپ ايتقاندا، بيىل ناۋرىز جانە ءساۋىر ايلارىندا قىتايداعى قازاقستان تۋريزم جىلىنىڭ اشىلۋ سالتاناتى، ەلىمىزدىڭ مادەني مۇراسىن جانە قازاقستان وڭىرلەرىنىڭ تۋريستىك قىزىعۋشىلىق تانىتاتىن توپ-20 ورىندارىمەن تانىستىرۋ، تۋريزم جانە ينۆەستيسيا بويىنشا فورۋم جانە «ناۋرىز فەست» فەستيۆالى وتكىزىلمەك.
Ⅲ جانە IV توقسانعا ۇلى جىبەك جولى مۇراسىن ىلگەرىلەتۋ شەڭبەرىندە مادەني ءىس-شارالار ۇيىمداستىرۋ، قولونەرشىلەر فەستيۆالىن، جەرگىلىكتى وندىرۋشىلەردىڭ جارمەڭكەلەرىن، قازاق تاعامدارىنىڭ گاستروفەستيۆالدەرىن وتكىزۋ، قىتايدىڭ ءىرى قالالارىندا قازاقستاننىڭ ۇلتتىق پاركتەرىنىڭ تۋريستىك الەۋەتىن تانىستىرۋ، الماتى جانە استانا تۋريزم كۇندەرىن وتكىزۋ جانە ت. ب. ءىس-شارالارى كوزدەلگەن. سونىمەن قاتار وسى جىلى ق ح ر جەتەكشى تۋروپەراتورلارى، بلوگەرلەرى مەن جۋرناليستەرى ءۇشىن اقپاراتتىق جانە بلوگ تۋرلار وتكىزىلەدى.
قىتايداعى قازاقستان تۋريزم جىلى ەلىمىزگە نە بەرەدى؟
قىتاي مەملەكەتى قازاقستانمەن شەكارالاس بولسا دا، قىتايلىقتار ەلىمىزدىڭ تۋريستىك الەۋەتى جايلى كوپ بىلە بەرمەيدى.
قىتايداعى «قازاقستان تۋريزمى جىلى» ەڭ الدىمەن قازاقستاننىڭ تانىمالدىلىعىن ارتتىرۋعا، قازاقستاندى تارتىمدى تۋريستىك دەستيناتسيا رەتىندە ىلگەرىلەتۋگە كومەكتەسەدى. دەمەك بۇل ەلدەر اراسىنداعى تۋريستىك اعىننىڭ ۇلعايۋىنا، قازاقستاننىڭ تۋريستىك باعىتتارىنىڭ قوناق ءۇي كەشەنىن تولتىرۋعا جانە وتاندىق تۋريستىك پاكەتتەر مەن قىزمەتتەرگە سۇرانىستىڭ ارتۋىنا اكەلەدى. بۇل ناتيجەسىندە تۋريزم سالاسىندا جاڭا جۇمىس ورىندارىنىڭ اشىلۋىنا ىقپال ەتەدى.
ۇلتتىق كيىم، ۇلتتىق تاعام: قىتايدا «ەتنو اۋىل» كورمەسى وتەدى
بيىل قىتايداعى اۋديتوريا ءۇشىن قازاقستان تۋرالى جانە ۇلتىمىزدىڭ مادەنيەتىن كورسەتەتىن ءبىرقاتار ءىس-شارا جوسپارلانىپ وتىر. سونىمەن قاتار بەيجىڭدە ق ر تۋريزم جانە سپورت ءمينيسترى جانە ق ح ر مادەنيەت جانە تۋريزم ءمينيسترىنىڭ قاتىسۋىمەن وتەتىن رەسمي اشىلۋ سالتاناتى شەڭبەرىندە «ەتنو اۋىل» كورمەسى وتكىزىلەدى، ول كورمەدە قازاقتىڭ ۇلتتىق ويىندارى، ۇلتتىق كيىمدەرى، تاعامدارى، تاريحى، ءومىر سالتى، قازاقستاندىق سۋرەتشىلەردىڭ تۋىندىلارى كورسەتىلەدى. سونىمەن قاتار بەيجىڭدە ەلدىمىزدىڭ بارلىق وبلىسىنىڭ قاتىسۋىمەن كورمە وتكىزۋ جوسپارلانىپ وتىر. بۇل كورمەدە ءار وبلىس ءوز ايماعىن تانىستىرادى.
ۆيزاسىز رەجيم ناتيجەسىن كورسەتىپ جاتىر ما؟
قىتايدان كەلەتىن توپتىق تۋريزم پاندەمياعا بايلانىستى 2020 -جىلدىڭ باسىندا توقتاتىلعان بولاتىن. 2023 -جىلعى 8-قاڭتاردان باستاپ تۋريستەر ءۇشىن قىتاي شەكارالارىنىڭ اشىلۋىنا جانە قىتاي حالىق رەسپۋبليكاسىنىڭ ازاماتتارى ءۇشىن ۆيزاسىز رەجيمنىڭ قولدانىلۋىنا بايلانىستى 2022 -جىلعى شىلدەدەن باستاپ قازاقستانعا كىرۋ ءۇشىن 14 كۇنگە دەيىن (جانە 2023 -جىلعى مامىردان باستاپ 30 كۇنگە دەيىن) قازاقستاننىڭ تۋريستىك الەۋەتىن قىتاي اۋديتورياسىنا ىلگەرىلەتۋ قالپىنا كەلتىرىلدى.
مىسالى، رەسمي ستاتيستيكا بويىنشا 2022 -جىلى قازاقستانعا 45,2 مىڭ قىتايلىق تۋريست كەلدى، بۇل 2021 -جىلمەن سالىستىرعاندا 2,5 ەسە جوعارى. 2023 -جىلدىڭ قورىتىندىسى ناۋرىز ايىنىڭ سوڭىندا شىعادى.
ال «eQonaq» ەلەكتروندىق جۇيەسىنىڭ اقپاراتىنا سايكەس، 2023 -جىلى قازاقستانعا قىتايدان 103,5 مىڭ تۋريست كەلدى، بۇل 2022 -جىلمەن سالىستىرعاندا 7 ەسە كوپ (2022 ج. - 14,2 مىڭ تۋريست).
وسى جىلدىڭ قاڭتار ايىندا ەلىمىزگە 7,6 مىڭ قىتايلىق تۋريست كەلىپ ۇلگەردى. وتكەن جىلدىڭ قاڭتار ايىمەن سالىستىرساق 5 ەسە كوپ (2023 ج. قاڭتارىندا ەلىمىزگە 1,3 مىڭ قىتايلىق تۋريست كەلگەن).
بيىل قىتايدا قازاقستاندىق تۋريزم جىلى شەڭبەرىندە قازاقستاندى قىتاي اۋديتورياسى ءۇشىن تۋريستىك دەستيناتسيا رەتىندە ىلگەرىلەتۋ جوسپارلانىپ وتىرعانىن، جىل باسىنىڭ وڭ ديناميكاسىن ەسكەرە وتىرىپ، 2024 -جىلى جانە ودان كەيىنگى جىلدارى ق ح ر-دان كەلەتىن تۋريستەر سانىنىڭ ەداۋىر ارتۋى كۇتىلىپ وتىر.
مالەمەتتەرگە سايكەس، ءبىر قىتايلىق تۋريست ورتاشا ەسەپپەن 1000-1500 دوللار اقشا قالدىرادى.
قىتايلىق تۋريستەر كوبىنە قاي وڭىرلەرگە بارادى؟
مالىمەتتەرگە سايكەس، قىتايلىق تۋريستەر كوبىنەسە قىسقى تۋريزم، گاستروتۋريزم جانە ەكوتۋريزم سياقتى تۋريزم تۇرلەرىن ىزدەيدى. قازىرگى ۋاقىتتا قىتايلىق تۋريستەر اراسىندا الماتى قالاسى مەن الماتى وبلىسى ەڭ تانىمال. كوپ جاعدايدا ولاردىڭ باعىتى قازاقستاندى قوسا العاندا ورتالىق ازيانىڭ بىرنەشە ەلدەرىن قامتۋى مۇمكىن، وسىلايشا توپتىق تۋرلار بارىسىندا ولار استاناعا نەمەسە الماتىعا جانە وسى قالالارعا جاقىن ورنالاسقان كورىكتى جەرلەرگە بارىپ، ودان ءارى كورشى ەلدەرگە ساياحاتىن جالعاستىرادى.
قازاقستان مەن قىتاي اراسىندا نەشە اۋە قاتىناسى بار؟
قىتاي مەن قازاقستان اراسىندا اپتاسىنا مىناداي رەيستەر ۇشادى (دەرەكتەر وزگەرۋى مۇمكىن) :
- الماتى- بەيجىڭ (Air Astana ءتورت رەيس، China Southern Airlines ءۇش رەيس)؛
- استانا- بەيجىڭ (Air Astana ءبىر رەيس، Fly Arystan ەكى رەيس)؛
- استانا- ءۇرىمجى (China Southern Airlines ەكى رەيس)؛
- الماتى- ءۇرىمجى (Air Astana ءۇش رەيس، China Southern Airlines جەتى رەيس)؛
- الماتى- حاڭجوۋ (Loong Airlines ءۇش رەيس)؛
- استانا- شيان- بەيجىڭ (Air China ەكى رەيس)؛
- الماتى- سيان (China Southern Airlines ەكى رەيس)؛
سونىمەن قاتار بيىل ماۋسىم ايىنان باستاپ Air Astana رەيستەرىنىڭسانى ارتادى.
«تالعامپاز قىتايلىق تۋريستەر جوعارى «سەرۆيستى» تالاپ ەتەدى»
«قىتاي زەرتتەۋشىلەر قاۋىمداستىعى» قوعامدىق قورىنىڭ ءتوراعاسى، ساياساتتانۋشى قازبەك مايگەلدينوۆ قىتايلىق تۋريستەر وتە تالعامپاز ەكەنىن جانە ولار جوعارى ساپالى سەرۆيس بولعانىن جاقسى كورەتىنىن ايتتى.
بيىل، 2024 -جىل - قىتايداعى قازاقستان تۋريزمى جىلى دەپ اتالىپ ءوتىپ جاتىر. مۇنى پرەزيدەنتتىڭ بىلتىرعى كەزدەسۋلەرىنىڭ ناتيجەسى رەتىندە قاراستىرۋعا بولادى. قىتايداعى قازاقستان تۋريزمى جىلى ەلىمىز ءۇشىن وتە ماڭىزدى. ويتكەنى بۇل جەردە بىرنەشە فاكتوردى ەسكەرۋ كەرەك. بىرىنشىدەن، قازىرگى تاڭدا الەمنىڭ №2-ەكونوميكاسى سانالاتىن قىتاي تەك ەكونوميكالىق تۇرعىدان عانا ەمەس، سونىمەن بىرگە تۋريزم تۇرعىسىنان دا جوعارى قىزىعۋشىلىققا يە. بۇكىل الەمدە قىتاي تۋريستەرى ءۇشىن باسەكەلەستىك جوعارى. قىتاي ستاتيستيكاسىنا جۇگىنەتىن بولساق، جىلىنا سانى ورتا ەسەپپەن 100 ميلليوننان استام قىتايلىق تۋريست سىرت ەلگە شىعادى. ولاردىڭ نەگىزگى قۇرامى زەينەتكەرلەر، - دەدى ساراپشى.
قازبەك مايگەلدينوۆتىڭ ايتۋىنشا، ەكىنشىدەن، تۋريستەردىڭ ءارقايسىسى ورتا ەسەپپەن 1000 دوللار جۇمسايدى دەسەك، وندا ولار ساياحات جاساعان ەلدەرىنە 100 ميلليارد دوللاردان استام قارجى (جالپى سانىن العاندا - اۆت. ) پايدا الىپ كەلەدى. ارينە، وسىنداي تابىستى قازاقستانعا تارتۋ ماڭىزدى. ۇشىنشىدەن، بۇل ەكى ەل اراسىنداعى قارىم-قاتىناستىڭ نىعايۋىنا دا مۇمكىندىك بەرەدى.
بۇدان بولەك، قىتاي تۋريستەرىن ەلىمىزگە تارتۋ ءۇشىن بىزگە ماڭىزدى ماسەلەلەردى شەشۋ كەرەك. مىسالى، قىتاي تۋريستەرى كوبىنەسە توپتىق تۋريزممەن، ياعني 100 ادامنان استام ءبىر توپ كەلە الادى.
ياعني ول ءۇشىن بىزدە ينفراقۇرىلىمنان بولەك، قىزمەت كورسەتۋ سالاسى دايىن بولۋى قاجەت. قىتايلىقتار ءۇشىن قازىر، مىسالى، جوعارى قىزمەت ۇسىنا الاتىن استانا مەن الماتى قالالارى قىزىق. ودان بولەك، تابيعي قورىقتارىمىز بەن تاريحي-مادەني ورتالىقتار دا ماڭىزدى. مىسالى، استانا نە الماتىنى الاتىن بولساق، وندا بىردەن 100 ادامدى قابىلداي الاتىن مەيرامحانالار كوپ ەمەس. سونىمەن بىرگە قوناق ءۇي ماسەلەسى بار. ونىڭ بارلىعى جوعارى ستاندارتقا ساي بولۋى كەرەك. سەبەبى قىتايلىق تۋريستەردىڭ تالعامى جوعارى. ولار الەمدى شارلاپ كەلگەن تۋريست بولعاندىقتان جوعارى «سەرۆيستى» تالاپ ەتەدى، - دەپ ءتۇسىندىردى ول.
تاعى ءبىر ماسەلە - قاۋىپسىزدىك پەن جايلىلىق. ياعني كەز كەلگەن نىسانعا جەتۋ ءۇشىن جول ساپاسىنىڭ جوعارى بولۋى، قاۋىپسىز تاسىمالدى قامتاماسىز ەتۋ ماسەلەسى شەشىلۋى قاجەت.
سونداي-اق ەكى ەل اراسىنداعى (ۇلكەن قالالارى اراسىنداعى - اۆت. ) اۋە قاتىناسىن ۇلعايتۋ. قازىردىڭ وزىندە الماتى- بەيجىڭ، استانا- بەيجىڭ، الماتى- شيان سياقتى باعىتتاردا رەيستەر بولعانىمەن، ەگەر تۋريستەر سانى كوبەيەتىن بولسا، وندا ازاماتتىق اۆياتسيا وپەراتورلارى جاڭا باعىتتاردى، مىسالى، شاڭحايعا اۋە قاتىناستارىن اشۋعا قاۋقارى بولۋى كەرەك. سول سەبەپتى قىتاي تۋريستەرىنە قازاقستاندى جارنامالاۋ، قازاقستاننىڭ تۋريستىك الەۋەتىن تارتىمدى ەتۋ ماقساتى وسى اتاۋلى جىل اياسىندا جۇرگىزىلۋگە ءتيىس. ياعني جارناما، ماركەتينگ، ساپالى بەينە ونىمدەر سياقتى جۇمىستاردى جۇرگىزۋ قاجەت، - دەيدى ساياساتتانۋشى.
قازبەك مايگەلدينوۆ اتاپ وتكەندەي، قىتاي تۋريستەرىن قىزىقتىرۋ دەڭگەيى جوعارى بولعانىمەن ولاردى قارسى الۋعا مۇمكىندىكتەر جانە قىزمەت كورسەتۋ سالالارىنىڭ دايىندىعى دا بولۋى كەرەك. تاعى ءبىر ماسەلە - گيد ماسەلەسى. بىزدە تۋريزم سالاسىن اياقتايتىن جاستاردىڭ اعىلشىن ءتىلىن مەڭگەرۋ دەڭگەيى، قىتاي ءتىلىن ايتپاعاندا ءالى دە جەتكىلىكسىز. سوندىقتان وسىنداي جان-جاقتى باعىتتاعى وتە جوعارى دايىندىق قاجەت-اق.
ەلىمىزدىڭ تۋريستىك الەۋەتىنىڭ تارتىمدىلىعىن تۋريزم جىلى اياسىنداعى جۇمىستىڭ جوعارى دەڭگەيى ەلىمىزگە كەلەتىن تۋريستەردى قارسى الۋعا مۇمكىندىكتەردىڭ جوعارى دەڭگەيىمەن پارا-پار كەلگەنى ءجون.
ۆيزاسىز رەجيم 10-قاراشادا باستالعانىن ەسكە سالا كەتەيىك. ەكى ەل ازاماتتارى ەكى مەملەكەت اۋماعىندا 30 كۇن بولا الادى.
