قىتايداعى «ءۇش ساي» بوگەتى جەردىڭ اينالۋ جىلدامدىعىنا اسەر ەتەدى

استانا. KAZINFORM - قىتايدىڭ حۋبەي پروۆينتسياسىنداعى «ءۇش ساي» بوگەتى جەردىڭ اينالۋىنا جانە تاۋلىك ۇزاقتىعىنا اسەر ەتتى. بۇل تۋرالى NASA وكىلى دوكتور بەندجامين فونگ چاو LAD Bible باسىلىمىنا بەرگەن سۇحباتىندا ايتتى، دەپ جازادى snob.ru.

2012 -جىلى سالىنعان يانتسزى وزەنىندەگى بوگەت - ۇزىندىعى 2 335 مەتر جانە بيىكتىگى 185 مەتر بولاتىن اسەرلى ينجەنەرلىك جوبا.

بوگەتتىڭ سۋ قويماسىندا تەڭىز دەڭگەيىنەن 175 مەتر بيىكتىكتە شامامەن 40 تەكشە شاقىرىم سۋ (شامامەن 10 تريلليون گاللونعا تەڭ) بار. «ءۇش ساي» بوگەتى - الەمدەگى ەڭ قۋاتتى سۋ ەلەكتر ستانتسياسى.

NASA عالىمدارى پلانەتانىڭ بەتىندەگى ماسسانىڭ وسىلايشا قايتا ءبولىنۋى ولشەنەتىن گەوفيزيكالىق سالدارعا اكەلگەنىن اتاپ ءوتتى: جەردەگى كۇن 0,06 ميكروسەكۋندقا ۇلعايدى، ال پلانەتانىڭ اينالۋ ءوسى شامامەن ەكى سانتيمەترگە ىعىستى. بۇل وزگەرىستەردىڭ كورىنەتىن ەلەۋسىزدىگىنە قاراماستان، قازىرگى زامانعى عىلىمي جابدىقتار ولاردى جازىپ الۋعا قابىلەتتى.