15:42, 24 - مامىر 2024 | GMT +5
قىتايدا پىشاقپەن قارۋلانعان ەر ادامنىڭ قولىنان سەگىز ادام مەرت بولدى
استانا. KAZINFORM - حۋبەي پروۆينتسياسىندا (ورتالىق قىتاي) پىشاقپەن قارۋلانعان ەر ادام سەگىز ادامدى ءولتىرىپ، تاعى بىرەۋىنە جاراقات سالدى. بۇل تۋرالى شينحۋا اگەنتتىگى حابارلادى.
اگەنتتىك مالىمەتىنشە، قايعىلى وقيعا بەيسەنبى كۇنى حۋبەي پروۆينتسياسىنا قاراستى سياوگان قالاسىنىڭ سياوچان ۋەزىندە بولعان.
لۋ ەسىمدى 53 جاستاعى شابۋىلشى پسيحيكالىق اۋرۋعا شالدىققان بولۋى مۇمكىن.
پوليتسيا قاسكۇنەمدى ۇستادى. تەرگەۋ شارالارى جۇرگىزىلۋدە.
