قىتايدا قازاقستاننىڭ ەنەرگەتيكالىق حاب رەتىندەگى مۇمكىندىكتەرى تالقىلاندى
استانا. KAZINFORM - ۆيتسە-مينيستر باقىتجان ءىلياس ق ح ر- دىڭ جەتەكشى ەنەرگەتيكالىق كورپوراتسيالارى - China Southern Power Grid, Huawei, Power China, China Datang جانە باسقا دا كومپانيالارمەن كەزدەسىپ، ەنەرگەتيكالىق وتپەلى كەزەڭنىڭ ونەركاسىپتىك ساياساتىن ەسكەرە وتىرىپ، قازاقستاندا ينۆەستيتسيالىق جوبالاردى ىسكە اسىرۋ مۇمكىندىكتەرىن تالقىلادى.
2025 -جىلعى 2- 7-ماۋسىم ارالىعىندا قىتاي حالىق رەسپۋبليكاسىنىڭ (ق ح ر) بەيجىڭ قالاسىندا قازاقستان رەسپۋبليكاسىنىڭ قىتايداعى ەلشىلىگىنىڭ قولداۋىمەن قازاقستان رەسپۋبليكاسى ەنەرگەتيكا مينيسترلىگىنىڭ دەلەگاتسياسى ۆيتسە-مينيستر باقىتجان ءىلياس باستاعان قۇراممەن «قازاقستان -ەنەرگەتيكالىق وتپەلى كەزەڭنىڭ وندىرىستىك حابى» تاقىرىبىندا روۋد-شوۋ وتكىزدى.
روۋد- شوۋ اياسىندا ەنەرگەتيكا مينيسترلىگىنىڭ وكىلدەرى قازاقستان ەنەرگەتيكا سالاسىنىڭ نەگىزگى دامۋ باعىتتارى تۋرالى اقپارات بەردى.
پرەزەنتاتسيالىق سەسسيانىڭ سوڭىندا ۆيتسە-مينيستر ق ح ر- دىڭ ەنەرگەتيكالىق كومپانيالارىمەن دوڭگەلەك ۇستەل فورماتىندا كەزدەسۋ وتكىزىپ، ءبىرقاتار باستامانى، سونىڭ ىشىندە سالالىق تەحنولوگيالىق قۇزىرەتتەر ورتالىعىن بىرلەسىپ دامىتۋ، ارنايى ەكونوميكالىق ايماقتاردا جابدىق ءوندىرىسىن جەرگىلىكتەندىرۋ جانە ەنەرگەتيكالىق وتپەلى كەزەڭ ءۇشىن بىلىكتى كادرلار دايارلاۋ ماسەلەلەرىن تالقىلادى.
سونداي-اق، ساپار اياسىندا ۆيتسە-مينيستر باقىتجان ءىلياس ق ح ر- دىڭ جەتەكشى ەنەرگەتيكالىق كورپوراتسيالارى - China Southern Power Grid, Huawei, Power China, China Datang جانە باسقا دا كومپانيالارمەن كەزدەسىپ، ەنەرگەتيكالىق وتپەلى كەزەڭنىڭ ونەركاسىپتىك ساياساتىن ەسكەرە وتىرىپ، قازاقستاندا ينۆەستيتسيالىق جوبالاردى ىسكە اسىرۋ مۇمكىندىكتەرىن تالقىلادى.
كەزدەسۋلەر قورىتىندىسى بويىنشا تاراپتار ناقتى جوبالاردى پىسىقتاپ، ىنتىماقتاستىقتى ودان ءارى دامىتۋعا دايىن ەكەندىكتەرىن ءبىلدىردى. سونىمەن قاتار، 16- 17- ماۋسىم كۇندەرى استانا قالاسىندا وتەتىن «ورتالىق ازيا - قىتاي» ءسامميتى اياسىندا ءتيىستى قۇجاتتارعا قول قويۋ مۇمكىندىگى قاراستىرىلدى.
ايتا كەتەلىك قىتايدان ساتىپ الىنعان تاۋارلار قازاقستاندىقتارعا قالاي جەتكىزىلەتىنى تۋرالى جازعان ەدىك.
اۆتور
نازىم بولەسوۆا
