قىتايدا قالىڭ تۇمانعا بايلانىستى «سارى» دەڭگەيلى ەسكەرتۋ جاريالاندى
استانا. KAZINFORM - قىتايدىڭ مەتەورولوگيالىق قىزمەتى سارسەنبى كۇنى ەلدىڭ كەيبىر ايماقتارىندا قالىڭ تۇمانعا بايلانىستى «سارى» دەڭگەيلى ەسكەرتۋ جاريا ەتتى، دەپ حابارلايدى شينحۋا.
ۇلتتىق مەتەورولوگيالىق ورتالىق (ۇ م و) مالىمەتىنە قاراعاندا، سارسەنبى كۇنى تاڭەرتەڭنەن تۇسكە دەيىن شاندۋڭ، انحوي، جياڭسۋ، جىجياڭ، جياڭشي، حۋنان جانە گۋيجوۋ پروۆينسيالارىن قالىڭ تۇمان باسادى.
انحوي، حۋنان جانە گۋيجوۋ پروۆينسيالارىندا تۇمان سالدارىنان كورىنۋ قاشىقتىعى 200 مەترگە دەيىن تومەندەۋى مۇمكىن.
جول كولىگىنىڭ جۇرگىزۋشىلەرىنە قاۋىپسىزدىك ماقساتىندا جىلدامدىقتى باقىلاۋعا كەڭەس بەرىلەدى. اۋەجايلارعا، اۆتوجولدار اكىمشىلىكتەرىنە ءتيىستى قاۋىپسىزدىك شارالارىن قابىلداۋ تاپسىرىلدى.
ايتا كەتەيىك، قىتايدا قالىڭ تۇمانعا ارنالعان ءۇش دەڭگەيلى ەسكەرتۋ جۇيەسى بار: ەڭ جوعارى قاۋىپتى «قىزىل» دەڭگەي بولسا، ودان كەيىن «سارى» جانە «قىزعىلت- سارى» دەڭگەيلەرى جالعاستىرادى.
