قىتايدا شىرقالعان قازاق ءانى

قىتاي استاناسىندا قازاقستاننىڭ مادەني كۇندەرى ءوتتى. قازاقتىڭ اۋەلەگەن ءانى مەن كۇمبىرلەگەن كۇيى قىتايدىڭ ەڭ ۇلكەن ۇلتتىق ساحناسىندا شىرقالدى.

مادەني كۇندەر اياسىندا ۇيىمداستىرىلعان ءىس-شارالاردىڭ ىشىندە وسى كونسەرتتى جۇرت ەرەكشە قابىلدادى. روزا باعلانوۆا اتىنداعى مەملەكەتتىك ۇجىمنىڭ ونەرپازدارى بۇل ساپارعا 6 ايدان استام ۋاقىت دايىندالعان. ونەرپازدار قازاق پەن قىتاي حالىق اندەرىن قوس تىلدە ورىنداپ، كورەرمەننىڭ ىستىق ىقىلاسىنا بولەندى.

فەستيۆالعا شاڭحاي ىنتىماقتاستىق ۇيىمىنىڭ باس حاتشىسىنان باستاپ، قىتايدىڭ مەملەكەتتىك ورگاندارى، ديپلوماتيالىق كورپۋس، ەلشىلەر مەن قازاق-قىتاي دوستىعىنا ۇلەس قوسىپ جۇرگەن تۇلعالار قاتىستى. بەيجىڭدە ءبىلىم الىپ جۇرگەن ستۋدەنت جاستار جانە قانداستار دا ەرەكشە ساعىنىشپەن تاماشالادى.

- جالپى، قازاقستاننىڭ مادەنيەتى، ونەرى قالاي دامىپ كەلەدى؟ سونى كورسەتكىمىز كەلدى. ويتكەنى ءبىزدىڭ وزدەرىڭىز كورگەندەي، ءوزىمىزدىڭ فولكلورىمىز، ياعني ۇلتتىق ونەرىمىزدى كورسەتتىك، - دەيدى رەجيسسەر دۋمان اكىم.

«ايقىن» اقپارات