قىتايدا التىن بۇيىمدارىنىڭ باعاسى رەكوردتىق دەڭگەيگە جەتتى

بەيجىڭ. KAZINFORM - قىتايدا التىننان جاسالعان زەرگەرلىك بۇيىمداردىڭ باعاسى ءبىر جىلدا %40,1 ءوستى. بۇعان قىتايدىڭ مەملەكەتتىك ستاتيستيكا باسقارماسىنىڭ (م س ب) دۇيسەنبىدە جاريالانعان مالىمەتتەرى دالەل، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ق  ح ر م س ب مالىمەتىنشە، 2025 -جىلدىڭ مامىر ايىندا قىتايدا التىن بۇيىمدارى، ءۇي توقىما بۇيىمدارى مەن ويىن-ساۋىق گادجەتتەرىنىڭ باعاسى ءبىر جىلمەن سالىستىرعاندا سايكەسىنشە %40,1، %1,9 جانە %1,8 ءوستى.

بيىل مامىر ايىندا بەنزين قوزعالتقىشى بار اۆتوكولىكتەر مەن ەلەكتروموبيلدەر باعاسى سايكەسىنشە %4,2 جانە %2,8 ارزاندادى.

بۇل رەتتە 2025 -جىلعى مامىردا قىزمەت كورسەتۋ باعاسىنىڭ %0,5- عا ءوسۋى بايقالدى، بۇل وتكەن ايمەن سالىستىرعاندا 0,2 پايىزدىق تارماققا ارتىق.

وندىرۋشىلەر باعاسىنىڭ يندەكسى (PPI) - تاۋارلار مەن قىزمەت كورسەتۋ وندىرۋشىلەرى كوتەرمە باعالارىنىڭ وزگەرىستەر كورسەتكىشى قىتايدا 2025 -جىلدىڭ مامىر ايىندا ءبىر جىلمەن سالىستىرعاندا %3,3 تومەندەدى.

ينفلياتسيانىڭ نەگىزگى كورسەتكىشى - تۇتىنۋ باعالارىنىڭ يندەكسى (س ر ءى) جىلدىق ەسەپتەۋدە %0,1- عا تومەندەگەن.

ەسكە سالا كەتسەك، ق ح ر ۇكىمەتى بيىل تۇتىنۋ باعاسى يندەكسىنىڭ ءوسىمىن 2 پايىز دەڭگەيىندە ۇستاپ تۇرۋدى جوسپارلاپ وتىر. 2025 -جىلى قىتاي بيلىگى تۇتىنۋشىلىق الەۋەتتى ارتتىرۋعا، ۇزاق مەرزىمدى تاۋارلارعا سۇرانىستى تۇراقتاندىرۋعا جانە قىزمەت كورسەتۋ سالاسىنداعى تۇتىنۋدى كەڭەيتۋگە نازار اۋدارماق.

2024 -جىلدىڭ سوڭىنا قاراي ەلدىڭ ج ءى ءو 134,9 تريلليون يۋان (18 تريلليون دوللاردان استام) بولدى.

بۇعان دەيىن فرانسۋز فەرمەرى قۇنى 4 ميلليارد ەۋرو بولاتىن التىن ارقاۋىن تاپقانىن جازعان بولاتىنبىز.

اۆتور

زارينا تۋعانبايەۆا