قىتايدا الەمدەگى ەڭ قۋاتتى گيپەرگراۆيتاتسيالىق سەنتريفۋگا ىسكە قوسىلدى
استانا. KAZINFORM - قىتايدا جەردىڭ تارتىلىس كۇشىنەن 300 ەسە ارتىق گيپەرگراۆيتاتسيا تۋدىرا الاتىن الەمدەگى ەڭ قۋاتتى سەنتريفۋگا ىسكە قوسىلدى، دەپ حابارلايدى شينحۋا.
(سەنتريفۋگا - زەرتحانالىق جانەونەركاسىپتىك جاعدايلاردا ورتادان تەپكىشكۇشتىڭ كومەگىمەن قوسپالاردى بولۋگەارنالعان قۇرىلعى)
دۇيسەنبى كۇنى قىتايدا جەردىڭ تارتىلىس كۇشىنەن 300 ەسە ارتىق گيپەرگراۆيتاتسيانى تۋدىرۋعا قابىلەتتى ەڭ قۋاتتى سەنتريفۋگا پايدالانۋعا بەرىلدى.
CHIEF1300 كودتىق اتاۋعا يە قوندىرعى شىعىس قىتايداعى جىجياڭ پروۆينتسياسىنىڭ اكىمشىلىك ورتالىعى حاڭجوۋ قالاسىندا سالىنىپ جاتقان گيپەرگراۆيتاتسيا جانە پانارالىق زەرتتەۋلەرگە ارنالعان سەنتريفۋگا كەشەنىنىڭ نەگىزگى قۇرامداس بولىكتەرىنىڭ ءبىرى.
بۇل قۇرىلعى تەرەڭ تەڭىز جانە جەر قويناۋىنداعى رەسۋرستاردى يگەرۋ، تابيعي اپاتتاردىڭ الدىن الۋ جانە زارداپتارىن جويۋ، جەر استىندا قالدىقتاردى كادەگە جاراتۋ، سونداي-اق جاڭا ماتەريالدار سينتەزدەۋ سەكىلدى وزىق زەرتتەۋلەردە قولدانىلۋى مۇمكىن.
