قىتايدا 17 جاڭا ماماندىق پايدا بولدى
استانا. KAZINFORM - قىتاي حالىق رەسپۋبليكاسىندا 17 جاڭا ماماندىقتىڭ رەسمي تۇردە پايدا بولعانى تۋرالى ق ح ر- دىڭ ادام رەسۋرستارى جانە الەۋمەتتىك قامسىزداندىرۋ مينيسترلىگى مالىمدەدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
جاڭا ماماندىقتار تىزىمىنە شەكاراارالىق ەلەكتروندىق كوممەرتسيا بويىنشا مەنەدجەر، دروندار توبىمەن ۇشۋدى جوسپارلاۋشى، ەلەكتروندىق سحەمالار ازىرلەۋشى جانە باسقا دا قىزمەتتەر كىرەدى.
مينيسترلىك سونىمەن قاتار سوڭعى جىلدارداعى ەڭ اۋقىمدى جاڭارتۋ اياسىندا 42 جاڭا جىكتەلگەن جۇمىس ءتۇرىن جاريالادى. ولاردىڭ قاتارىندا گەنەراتيۆتى جاساندى ينتەللەكت جۇيەلەرىن سىناۋ، سونداي-اق ينتەللەكتۋالدى قويما وپەراتسيالارى مەن تەحنيكالىق قىزمەت كورسەتۋ سياقتى جۇمىستار بار.
قىتاي بيلىگى العاش رەت رەسمي جاڭا ماماندىقتار ءتىزىمىن 2018 -جىلى جاريالاعان بولاتىن. 2019 -جىلدان 2024 -جىلعا دەيىن 93 جاڭا قىزمەت ەنگىزىلدى.
قىتاي حالىق رەسپۋبليكاسىنىڭ مەملەكەتتىك كەڭەسىنىڭ (ۇكىمەت) 2025 -جىلعا ارنالعان جۇمىس ەسەبىندە بيىل قالالاردا 12 ميلليوننان استام جاڭا جۇمىس ورنىن قۇرۋ مىندەتى قويىلعان. زەرتتەۋلەرگە سايكەس، قالالارداعى جۇمىسسىزدىق دەڭگەيى شامامەن %5,5 بولۋى ءتيىس.
