قىتاي وزبەكستانداعى كاسىپورىندار سانى بويىنشا العاش رەت رەسەيدى باسىپ وزدى

تاشكەنت. KAZINFORM - 2024 -جىلدىڭ سوڭىندا قىتاي وزبەكستانداعى شەتەلدىك كاپيتالدىڭ قاتىسۋىمەن كاسىپورىندار سانى بويىنشا العاش رەت رەسەيدى باسىپ وزدى، دەپ حابارلايدى ءو ر ستاتيستيكا اگەنتتىگى.

Өзбек-Ресей
فوتو: ءو ر پرەزيدەنتىنىڭ باسپا ءسوز قىزمەتى

2025 -جىلعى 1- قاڭتارداعى جاعداي بويىنشا وزبەكستاندا شەتەلدىك ينۆەستيتسيانىڭ قاتىسۋىمەن 14871 كاسىپورىن جۇمىس ىستەپ تۇر. سوڭعى ءبىر جىلدا ولاردىڭ سانى 5,8 پايىزعا نەمەسە 818 گە ارتقان. ونىڭ 3965 ى بىرلەسكەن كاسىپورىن بولسا، 10906 سى شەتەلدىك.

شەتەلدىك كاپيتالى بار كومپانيالاردىڭ سانى بويىنشا قىتاي ءبىرىنشى ورىندا - 3357 كومپانيا، بۇل 2023 -جىلمەن سالىستىرعاندا %43,6 عا نەمەسە 1020 عا كوپ.

بۇل - جىل بويى جۇمىس ىستەيتىن شەتەلدىك كاسىپورىندار سانىنىڭ رەكوردتىق ءوسىمى. وتكەن جىلدارى قىتاي وزبەكستانداعى قاتىسۋىن سالىستىرمالى تۇردە باياۋ قارقىنمەن كەڭەيتتى. اتاپ ايتقاندا، 2020 -جىلى ولاردىڭ سانى - 147 گە، 2021 -جىلى - 128 گە، 2022 -جىلى - 214 كە، 2023 -جىلى 196 عا وسكەن.

رەسەي ەكىنشى ورىنعا ءتۇسىپ كەتتى. رەسەي كاپيتالىنىڭ قاتىسۋىمەن كومپانيالار سانى %3,5 عا - 3044 تەن 2937 گە دەيىن (-107) ازايدى.

2023 -جىلى ول 112 كومپانياعا دەيىن قىسقارعان بولاتىن.

2022 -جىلى رەسەي شەت ەلدەردىڭ كوپتەگەن سانكتسيالارىنا تاپ بولعان كەزدە وزبەكستانداعى قاتىسۋىن كۇرت كەڭەيتتى، ناتيجەسىندە رەسەيدىڭ قاتىسۋىمەن ءبىر جىلدا 847 گە (وتكەن جىلدارى 216 جانە 256) وسكەن ەدى.

جۇمىس ىستەپ تۇرعان كاسىپورىندار سانىنىڭ تومەندەۋى باسقا ەلدەردە دە بايقالدى: تۇركيا - 1826 كاسىپورىن (%3- نەمەسە -57 كاسىپورىن)، قازاقستان - 1041 (%2,2- نەمەسە 23-)، وڭتۇستىك كورەيا - 644 (%12,5- نەمەسە 92-)، ا ق ش - 304 (%2,9- نەمەسە 9-).

جالپى، سوڭعى ەكى جىلدا تۇركيا كاپيتالى قاتىساتىن كاسىپورىندار سانى 378 گە، قازاقستان - 217 گە، وڭتۇستىك كورەيا - 286 عا، ا ق ش - 50 گە قىسقاردى.

ت م د ەلدەرى كومپانيالارى سانىنىڭ ازداپ وسكەنى بايقالادى. مىسالى، تاجىكستاننان 314 (%12,9+)، ءازىربايجاننان 263 (%11+)، قىرعىزستاننان 287 گە (%2,9+) كوبەيدى.

باسقا ەلدەردىڭ كاپيتالى بار كاسىپورىندار سانى 631 گە - 3485 تەن 2854 كە (%18,1-) ازايدى.

ەسكە سالا كەتەيىك، وزبەكستاندا قازاقستاندىق كاپيتالمەن مىڭنان استام كاسىپورىن جۇمىس ىستەيدى.

اۆتور

بەكابات ۋزاكوۆ

سوڭعى جاڭالىقتار