قىتاي ستراتەگيالىق مينەرالدارعا باقىلاۋدى كۇشەيتەدى

استانا. KAZINFORM - قىتاي بيلىگى ستراتەگيالىق پايدالى قازبالاردىڭ شەتەلدەرگە زاڭسىز وتۋىنە جول بەرمەۋ ءۇشىن باقىلاۋدى كۇشەيتپەكشى. بۇل تۋرالى قىتاي حالىق رەسپۋبليكاسىنىڭ ساۋدا مينيسترلىگى مالىمدەدى، دەپ حابارلايدى Kazinform اگەنتتىگىنىڭ ءتىلشىسى.

- مينەرالدى رەسۋرستارعا ستراتەگيالىق باقىلاۋ ونىڭ قاينار كوزىنەن باستالىپ، ءوندىرۋ، بالقىتۋ، وڭدەۋ، تاسىمالداۋ، ساتۋ جانە ەكسپورتتاۋ سياقتى بۇكىل تىزبەكتى قامتۋى كەرەك، - دەپ كەلتىرەدى Global Times قىتايدىڭ ساۋدا مينيسترلىگى وكىلىنىڭ ءسوزىن.

قىتايدىڭ سيرەك كەزدەسەتىن مينەرداردارىنا ەكسپورتتىق باقىلاۋى ا ق ش قورعانىس ونەركاسىبىنە اۋىر سوققى بولۋى مۇمكىن، دەپ جازادى Global Times.

بۇعان دەيىن Global Times امەريكالق ب ا ق-قا سىلتەمە جاساي وتىرىپ، قىتايدىڭ كەيبىر ورتاشا جانە اۋىر مينەرالدارىنا، سونىڭ ىشىندە اۆيونيكا ءۇشىن ماڭىزدى رەسۋرستارعا ەكسپورتتىق باقىلاۋدى ەنگىزۋ تۋرالى ساۋىردەگى مالىمدەمەسى ا ق ش-تىڭ التىنشى بۋىن F-47 جويعىش ۇشاعى جوباسىنا سوققى بەرۋى مۇمكىن ەكەنىن اتاپ ءوتتى.

4-ساۋىردەن باستاپ قىتاي سيرەك كەزدەسەتىن بىرنەشە مەتالدىڭ ەكسپورتىنا شەكتەۋ قويدى.

سول كەزدە قىتايدىڭ ساۋدا مينيسترلىگى مالىمدەمە جاساپ، قىتاي ۇكىمەتى سيرەك كەزدەسەتىن مەتالدارعا ەكسپورتتىق باقىلاۋ ەنگىزىپ جاتقانىن ايتقان.

ەكسپورتتىق شەكتەۋ قويىلاتىن سيرەك مەتالدار تىزىمىنە ساماريي، تەربيي، سكاندي، يتتري جانە باسقا جەتى مەتال كىرەدى.

ايتا كەتەيىك، قىتاي جوعارى تەحنولوگيالىق قۇرىلعىلاردى وندىرۋدە كەڭىنەن قولدانىلاتىن سيرەك جەر مەتالدارىن الەمدەگى ەڭ ءىرى جەتكىزۋشىلەردىڭ ءبىرى سانالادى.

ايتا كەتەلىك قىتايداعى تۇنگى بازاردا اتىس بولىپ، ەكى ادام قازا تاپقان ەدى.