قىتاي ەۋروپانىڭ التى ەلىنە ۆيزاسىز رەجيم ەنگىزەدى

بەيجىڭ. KAZINFORM - قىتاي بيلىگى ەۋروپانىڭ التى ەلىنىڭ ازاماتتارى ءۇشىن ءبىرجاقتى ۆيزاسىز رەجيم ەنگىزبەك.

بۇل تۋرالى ق ح ر سىرتقى ىستەر ءمينيسترى ۆان ي 14- بۇكىل قىتايلىق حالىق وكىلدەرى جينالىسىنىڭ ەكىنشى سەسسياسى اياسىندا وتكەن باسپا ءسوز ءماسليحاتىندا ءمالىم ەتتى.

«14-ناۋرىزدان باستاپ قىتاي شۆەيتساريا، يرلانديا، ۆەنگريا، اۋستريا، بەلگيا جانە ليۋكسەمبۋرگكە سىناقتىق ۆيزاسىز رەجيم ەنگىزەدى»، - دەدى ۆان ي.

ونىڭ ايتۋىنشا، قىتاي قىتايلىق جانە شەتەلدىك قىزمەتكەرلەر الماسۋدى جەڭىلدەتۋ، ونىڭ ىشىندە تولەم قىزمەتتەرىنىڭ سانىن كوبەيتۋ بويىنشا باستامالار كوتەرۋدى جالعاستىرادى.

بۇعان دەيىن قىتاي بيلىگى 2023 -جىلدىڭ 1-جەلتوقسانىنان باستاپ ەۋرووداققا مۇشە بەس مەملەكەت: يسپانيا، يتاليا، نيدەرلاند، فرانسيا جانە گەرمانيا ازاماتتارى ءۇشىن ءبىرجاقتى ۆيزاسىز رەجيم ەنگىزگەن بولاتىن.