قىتاي ەۋروپالىق وداقتان كەلەتىن الكوگول ونىمدەرىنە سالىقتى ءوسىردى

استانا. KAZINFORM - قىتايدىڭ كوممەرتسيا ءمينيسترى 5-شىلدەدەن باستاپ، ەۋروپالىق وداق ەلدەرىنەن جەتكىزىلەتىن برەندي يمپورتىنا ەنگىزىلەتىن باج سالىعىن 5 جىلعا ۇلعايتۋ تۋرالى شەشىم قابىلدادى، دەپ جازادى DW.

سالىق مولشەرلەمەسى Hennessy, Remy Martin جانە Martell سياقتى ءىرى فرانتسۋزدىق وندىرۋشىلەر ءۇشىن وسىرىلەدى.

انتيدەمپينگتىك تەرگەۋ قورىتىندىسى بويىنشا Hennessy ونىمدەرىنە كەدەندىك باج %34,9 مولشەرىندە بەلگىلەندى، Remy Martin - 34,3%، ال Martell - 27,7% مولشەرىندە بولادى. سونىمەن قاتار Pernod Ricard جانە Remy Cointreau سياقتى ءبىرقاتار وندىرۋشىلەرگە باعا مىندەتتەمەلەرىن ساقتايتىن بولسا، ۋاقىتشا كەشىرىم بەرىلەدى.

بۇل شەشىم تۇپكىلىكتى بولىپ تابىلادى جانە 2024 -جىلى باستالعان، نەگىزگى بولىگى فرانتسيادا وندىرىلەتىن ەۋروپالىق برەندي يمپورتىنا قاتىستى تەرگەۋدىڭ جالعاسى سانالادى.

فرانسۋز كومپانيالارى ءۇشىن قىتاي نارىعى ستراتەگيالىق ماڭىزعا يە، ويتكەنى وعان كونياكتىڭ جالپى ەكسپورتىنىڭ %25 ى تيەسىلى. ال كوشباسشى ەل - ا ق ش، ونىڭ ۇلەسى %38 بولىپ وتىر.

بەيجىڭنىڭ بۇل باستاماسى ەۋروپالىق وداقتا قىتايلىق ەلەكتروموبيلدەرگە قوسىمشا باج سالىعىن ەنگىزۋ ماسەلەسى تالقىلانىپ جاتقان كەزەڭدە كوتەرىلىپ وتىر.