قىتاي نە سەبەپتى قازاقستاننان قوي ەتىن ەنگىزۋگە شەكتەۋ قويدى
استانا. KAZINFORM - اۋىل شارۋاشىلىعى مينيسترلىگى وتكەن جىلى نە سەبەپتى قىتايعا قازاقستاننان قوي ەتى مۇلدە ەكسپورتتالماعانىن ءتۇسىندىردى.
2018 -جىلى ەلىمىزدىڭ 9 وبلىسىنان قىتايعا قوي ەتىن ەكسپورتتاۋ تۋرالى كەلىسىم جاسالعان بولاتىن. الايدا بۇعان دەيىنگى ا ش م مالىمەتىندە 2024 -جىلى قازاقستان قوي ەتىن تەك وزبەكستان، ب ا ءا، يران ەلدەرىنە شىعارعانى جايلى جازىلعان. وسىعان بايلانىستى Kazinform اگەنتتىگى مينيسترلىككە رەسمي ساۋال جولداپ، قىتايمەن ارادا نە جاعداي بولعانىن انىقتادى.
- 2024 -جىلى قىتايعا قوي ەتىنىڭ جەتكىزىلمەۋ سەبەبى: 2023 -جىلى قىتاي حالىق رەسپۋبليكاسىنىڭ باس كەدەن باسقارماسى (ب ك ب) رەسپۋبليكادا قوي شەشەگى اۋرۋىنىڭ تىركەلۋىنە بايلانىستى قازاقستاننان مۇزداتىلعان قوي ەتىن اكەلۋگە شەكتەۋلەر ەنگىزدى. ق ر اۋىل شارۋاشىلىعى مينيسترلىگى شەكتەۋلەردى الىپ تاستاۋعا ۇمتىلىپ، ق ح ر ب ك ب- عا شەكتەۋلەردى الىپ تاستاۋ بويىنشا وتىنىشپەن رەسمي حات جىبەردى، - دەلىنگەن حابارلامادا.
سونىمەن قاتار، ۆەدومستۆو وسى ماسەلەگە قاتىس جۇمىس توبى قۇرىلعانىن حابارلادى.
- قازاقستان رەسپۋبليكاسى اۋىل شارۋاشىلىعى ءمينيسترى ايداربەك ساپاروۆتىڭ ق ح ر- عا ساپارىنىڭ قورىتىندىسى بويىنشا جۇمىس توبى قۇرىلدى. ونىڭ قىزمەتىنىڭ شەڭبەرىندە ماسەلەلەردى جەدەل شەشۋگە جانە تالقىلاۋلار جۇرگىزۋگە باعىتتالعان ەكى وتىرىس ءوتتى. جۇمىس توبىنىڭ وتىرىستارىندا شەكتەۋلەردى الىپ تاستاۋعا قاتىستى ماسەلەلەر قارالىپ، قوي جانە ەشكى شەشەگى بويىنشا ساۋالناما سۇرالدى. ساۋالناما بويىنشا قازاقستاندىق تاراپ بارلىق قاجەتتى اقپاراتتى بەرەدى. شەكتەۋلەردى الىپ تاستاۋ قىتاي تاراپىنىڭ قولدانىستاعى نورماتيۆتىك قۇجاتتارىنا سايكەس تاۋەكەلدەردى باعالاۋىنان كەيىن مۇمكىن بولادى، - دەلىنگەن جاۋاپتا.
ايتا كەتەيىك، بۇعان دەيىن اۋىل شارۋاشىلىعى مينيسترلىگى بىلتىر قازاقستان قاي ەلدەرگە قانشا ەت ەكسپورتتاعانىن مالىمدەگەن بولاتىن.
