قىتاي مەن شەكاراداعى «باقتى» وتكىزۋ پۋنكتىندە جەكە تۇلعالاردىڭ وتكىزىلۋى ۋاقىتشا توقتاتىلادى

قىتاي شەكاراسىندا ورنالاسقان «باقتى» وتكىزۋ پۋنكتىندە جەكە تۇلعالاردىڭ وتۋىنە ۋاقىتشا شەكتەۋ قويىلدى، دەپ حابارلادى مەملەكەتتىك كىرىستەر كوميتەتىنىڭ باسپا ءسوز قىزمەتى.

2023 -جىلعى 10-قاراشادان باستاپ قازاقستان مەن قىتايدىڭ مەملەكەت باسشىلارى قول قويعان ۆيزاسىز رەجيم تۋرالى كەلىسىم نەگىزىندە قوس تاراپتىڭ ازاماتتارى ءۇشىن 30 كۇنگە (تۋريستىك) ۆيزاسىز رەجيم ەنگىزىلدى. وسىعان بايلانىستى قازاقستان- قىتاي ۋچاسكەسىندەگى وتكىزۋ پۋنكتتەرىندە جەكە تۇلعالاردىڭ ءوتۋ قارقىنى كۇشەيەدى دەپ بولجانىپ وتىر.

بۇگىندە م ك ك قازاقستان- قىتاي شەكاراسىنداعى وتكىزۋ پۋنكتتەرىن ناقتى جابۋسىز جاڭعىرتۋ جانە تەحنيكالىق جەتە جاراقتاندىرۋ بويىنشا جۇمىس جۇرگىزىپ جاتىر. ونىڭ ىشىندە اباي وبلىسىنداعى «باقتى» وتكىزۋ پۋنكتى دە بار.

قازىر اتالعان پۋنكتتە شەكارادان ءوتۋ كەلىسىلگەن ۋاقىتشا تەحنولوگيا بويىنشا ىسكە اسىرىلادى. سايكەسىنشە، رەكونسترۋكتسيالاۋ ۋاقىتىن باقىلاۋ بارىسىندا جەكە تۇلعالاردىڭ قاۋىپسىزدىگىن قامتاماسىز ەتۋ مۇمكىندىگى جوق. قوس تاراپ ازاماتتارىنىڭ قاۋىپسىزدىگىن قامتاماسىز ەتۋ ءۇشىن بيىل 10-قاراشادان باستاپ رەكونسترۋكسيالاۋ كەزەڭىندە اباي وبلىسى «باقتى (قازاقستان) - پوكيتۋ (ق ح ر)» وتكىزۋ پۋنكتىندە جەكە تۇلعالاردى وتكىزۋدى ۋاقىتشا توقتاتادى، - دەپ جازىلعان حابارلامادا.

شىعىس قازاقستان وبلىسىنىڭ مايقاپشاعاي (قازاقستان) - زيمۋناي (ق ح ر)، جەتىسۋ وبلىسى «الاكول (قازاقستان) - الاشانكوۋ (ق ح ر)»، نۇر جولى (قازاقستان) - قورعاس (ق ح ر)»، الماتى وبلىسىنىڭ «قالجات (قازاقستان) - دۋلاتى (ق ح ر)» وتكىزۋ پۋنكتتەرىندە جەكە تۇلعالار شتاتتىق رەجيمدە وتەدى.

بۇل اقپاراتتى ەسكەرىپ، قاۋىپسىزدىكتى قامتاماسىز ەتۋ ءۇشىن جەكە تۇلعالاردان قىتايعا تەك جوعارىدا اتالعان وتكىزۋ پۋنكتتەرى ارقىلى ءوتۋ سۇرايمىز.