قىتاي جەردىڭ ەلەكتروماگنيتتىك ءورىسىن باقىلاۋ ءۇشىن 3 جەر سەرىگىن ۇشىردى
استانا. KAZINFORM - قىتايدىڭ «چانچجەن-6ا» زىمىران-تاسىعىشى جەرگىلىكتى ۋاقىتپەن 11-مامىردا وربيتاعا ءۇش ەلەكتروماگنيتتىك باقىلاۋشى «ياوگان-40-02» جەر سەرىگىن ۇشىردى، دەپ حابارلايدى Interfax.ru.
جەڭىل ءۇش ساتىلى زىمىران قىتايدىڭ سولتۇستىگىندەگى شانسي پروۆينتسياسىنداعى تايۋان عارىش ايلاعىنان ۇشىرىلعانى اتاپ ءوتىلدى. عارىش كەمەسى بەلگىلەنگەن وربيتاعا ءساتتى شىقتى.
قىتايدىڭ اەروعارىشتىق عىلىم جانە تەحنولوگيا كورپوراتسياسىنىڭ مالىمەتى بويىنشا جەر سەرىكتەرى جەردىڭ تومەنگى وربيتاسىندا ەلەكتروماگنيتتىك باقىلاۋعا جانە جاڭا تەحنولوگيالاردى سىناقتان وتكىزۋگە ارنالعان.
ۇزىندىعى 50 مەترگە دەيىن جەتەتىن موديفيكاتسيالانعان «چانچجەن-6ا» ەكولوگيالىق تازا كەروسين/سۇيىق وتتەگى وتىنىمەن جۇمىس ىستەيدى جانە 500 شاقىرىم بيىكتىككە دەيىن 6,5 تونناعا دەيىنگى پايدالى جۇكتى تاسىمالداۋعا قابىلەتتى.
جەردىڭ ەلەكتروماگنيتتىك ءورىسىن باقىلاۋعا ارنالعان جەر سەرىكتەرىنەن الىنعان مالىمەتتەر عارىشتىق اۋا رايىن بولجاۋ، راديوبايلانىس جانە ناۆيگاتسيالىق جۇيەلەرگە اسەر ەتەتىن يونوسفەرالىق بۇزىلۋلاردى زەرتتەۋ، سونداي-اق پايدالى قازبالاردى بارلاۋ جانە سەيسميكالىق بەلسەندىلىكتى باقىلاۋ ءۇشىن پايدالانىلۋى مۇمكىن.
ەسكە سالا كەتەيىك، قىتاي كەزەكتى عارىش ميسسياسىن ىسكە قوستى.
