قىتاي جاپونياعا تالاپ قويدى
استانا. قازاقپارات - رەسمي بەيجىڭ جاپونياعا تاعى تالاپ قويدى. كۇن شىعىس ەلى قىتايمەن قارىم-قاتىناسىن رەتتەگىسى كەلسە تايۆانعا قاتىستى پىكىرىن تۇزەۋى ءتيىس. بۇل جونىندە قىتايدىڭ سىرتقى ىستەر مينيسترلىگىنىڭ رەسمي وكىلى لين جياڭ مالىمدەدى.
قىتاي جاپونياعا تالاپ قويدى
قىتاي- جاپون اراسىنداعى كيكىلجىڭگە پرەمەر- مينيستر تاكايچيدىڭ «تايۆان ايماعىندا كۇش قولدانۋ جاپونيا ءۇشىن قاۋىپتى» دەگەن مالىمدەمەسى تۇرتكى بولدى. بۇل قىتاي حالقىنىڭ نارازىلىعىن تۋعىزعان ەدى. سودان بەرى كورشى ەل ەكسپورتتىق باقىلاۋدى كۇشەيتۋمەن كەلەدى. الايدا بۇعان جاپوندىقتاردىڭ ءمان بەرەتىن ءتۇرى جوق.
لين جيانڭ، ق ح ر سىرتقى ىستەر مينيسترلىگىنىڭ رەسمي وكىلى:
- ەگەر جاپونيا قىتايمەن قارىم-قاتىناستى رەتتەپ، دامىتۋ جاعىن ويلاسا، ەكى ەل اراسىنداعى ءتورت ساياسي قۇجاتتا كورسەتىلگەن قاعيدالاردى ۇستانۋى ءتيىس. سونداي-اق ءوز مىندەتتەمەلەرىن ورىنداۋى كەرەك. تايۆانعا قاتىستى قاتە مالىمدەمەلەرىن كەرى قايتارىپ تۇزەتۋلەرى شارت. قىتاي- جاپون قاتىناسىنىڭ ساياسي نەگىزىن ساقتاۋ ءۇشىن ناقتى شارالار قابىلداۋى قاجەت.
24.kz
