قىتاي جاڭا بۋىنداعى «چاڭچجەن-6B» زىمىران تاسىعىشىن ۇشىردى

استانا. KAZINFORM - قىتاي سەيسەنبى كۇنى «چانچجەن-6B» (Long March-6c) موديفيكاتسيالى زىمىران تاسىعىشىن العاش رەت ۇشىردى. ول عارىشقا ءتورت جەر سەرىگىن الىپ شىقتى. بۇل تۋرالى WeChat الەۋمەتتىك جەلىسىندە قىتاي اەروعارىشتىق عىلىمي-تەحنيكالىق كورپوراتسياسىنىڭ (CASC) پاراقشاسىندا ايتىلدى.

زىمىران تاسىعىش سەيسەنبى كۇنى بەيجىڭ ۋاقىتىمەن ساعات 11:21 دە قىتاي سولتۇستىگىنىڭ شانسي پروۆينتسياسىنداعى تايۋان سپۋتنيكتىك ۇشىرۋ ورتالىعىنان Neptune-01 جانە Smart-1C جەرسەرىكتەرىن، سونداي-اق كەڭ جولاقتى وپتيكالىق جەرسەرىكتى جانە جوعارى اجىراتىمدىلىقتاعى بەينەسپۋتنيكتى جوسپارلانعان وربيتاعا الىپ شىقتى.

ەكى ساتىلى زىمىران تاسىعىشتىڭ ديامەترى 3,35 مەتر، ونى سۇيىق وتتەگى مەن كەروسينمەن جۇمىس ىستەيتىن ءۇش قوزعالتقىش باسقارادى.

جالپى ۇشىپ كوتەرىلۋ سالماعى 215 توننا بولاتىن زىمىران 500 شاقىرىم بيىكتىكتەگى گەوستاتسيونارلىق وتپەلى وربيتاسىنا جالپى سالماعى شامامەن 2,4 توننا عارىش اپپاراتىن شىعارۋعا قابىلەتتى.

جاڭا زىمىراننىڭ زەرتتەۋلەرى مەن ازىرلەنۋلەرى 2020-جىلدىڭ باسىندا باستالدى. بۇل مودەل نەگىزىنەن شاعىن جانە ورتا سپۋتنيكتەردى وربيتاعا اپاراتىن كوممەرتسيالىق عارىش كاسىپورىندارىندا قولدانىلادى.

بۇگىندە ەلدە Long March سەريالى زىمىرانداردىڭ 20 دان استام ءتۇرى جاسالىپ، ۇشىرىلدى.

Long March زىمىراندارى - قىتاي عارىشتىق باعدارلامالارىنىڭ نەگىزى. بۇل Long March تاسىمالداۋشىسىنىڭ 520-ۇشىرۋى.