قىتاي عارىشقا تاعى دا اۋە كەمەسىن ۇشىرادى

بەيجىڭ. KAZINFORM - قىتاي سارسەنبى كۇنى جيۋچۋان عارىش ايلاعىنان «شىنجوۋ-19» باسقارىلاتىن عارىش كەمەسىن ۇشىرادى. بۇل تۋرالى ق ح ر باسقارىلاتىن عارىشتىق ۇشۋ باعدارلاماسىنىڭ باسقارماسى ءمالىم ەتتى، دەپ حابارلايدى Kazinform مەنشىكتى ءتىلشىسى.

قۇرامىندا ءۇش تايكوناۆت بار «شىنجوۋ-19» كەمەسى ستانسيادا 2025 -جىلدىڭ ءساۋىر ايىنىڭ اياعى نەمەسە مامىر ايىنىڭ باسىنا دەيىن بولادى. 
وربيتادا «شىنجوۋ-19» ەكيپاجى جۇك تاسيتىن «تيانجوۋ-8» عارىش كەمەسىنىڭ ستانسياعا ءتۇيىسۋىن باقىلاپ، «شىنجوۋ-20» باسقارىلاتىن عارىش كەمەسى ەكيپاجىن قارسى الادى.
ەكيپاج مۇشەلەرى 4-قاراشادا جەرگە ورالادى.
ەسكە سالا كەتسەك، قىتاي عارىشتىق عىلىمدى دامىتۋدىڭ ۇلتتىق ورتا جانە ۇزاق مەرزىمدى باعدارلاماسىن ۇسىندى. ول 2024-2050 -جىلدار ارالىعىندا ەلدەگى عارىشتىق ۇشۋلار مەن زەرتتەۋلەر جوسپارىن ايقىندايتىن بولادى.

اۆتور
زارينا تۋعانبايەۆا