قىتاي اسكەرى تايۆاننىڭ سەپاراتيستىك ارەكەتىنە تىكەلەي سوققى بەرۋگە دايىن تۇر
استانا. قازاقپارات - تايۆان توڭىرەگىندەگى احۋال تاعى ۋشىقتى. بۇل جولى تايۆان تەڭىز-اسكەري كۇشتەرىنىڭ جەتەكشىسى ا ق ش-تىڭ ءۇندى- تىنىق مۇحيتى قولباسشىلىعى ورنالاسقان گايتيگە ساپارى تۇرتكى بولدى.
قىتاي بۇل اسكەري بايلانىسقا ءۇزىلدى-كەسىلدى قارسى. قازىر قىتاي حالىق-ازاتتىق اسكەرى تايۆاننىڭ كەز-كەلگەن سەپاراتيستىك ارەكەتىنە تىكەلەي سوققى بەرۋگە دايىن تۇر. بۇل جونىندە قىتاي ۇلتتىق قورعانىس مينيسترلىگىنىڭ رەسمي وكىلى مالىمدەدى.
ۋ چيان دەموكراتيالىق پروگرەسسيۆتى پارتيا بيلىگىنە ەلدەن بولىنۋگە باعىتتالعان ارەكەتتەردى توقتاتۋدى قاتاڭ ەسكەرتتى. ال ا ق ش- تى «ءبىرتۇتاس قىتاي» قاعيداسىن ۇستانىپ، حالىقارالىق كەلىسىمدى بۇزباۋعا شاقىردى.
ۋ چيان، ق ح ر ۇلتتىق قورعانىس مينيسترلىگىنىڭ رەسمي وكىلى:
- قىتاي تاراپى ا ق ش پەن تايۆان اراسىندا كەز-كەلگەن رەسمي الماسۋلار مەن اسكەري بايلانىس ورناۋىنا قارسى. تايۆان قىتايدىڭ اجىراماس بولىگى. الەمدە ەكى قىتاي مەملەكەتىنىڭ بولۋى مۇمكىن ەمەس. بۇل ماسەلە ءبىزدىڭ ەلدىڭ ىشكى شارۋاسى. سەپاراتيستىك ءىس-قيمىلدىڭ كەز كەلگەن تۇرىنە قىتاي حالىق-ازاتتىق اسكەرى تىكەلەي سوققى بەرەدى.
www.24.kz
