قىتاي پاندالارىن جاپونيادان قايتارىپ الادى
استانا. KAZINFORM - جاپونيانىڭ باتىسىنداعى حايۋاناتتار باعىنان نەسيەگە الىنعان 4 الىپ پاندانىڭ بارلىعى قىتايعا ماۋسىم ايىنىڭ سوڭىندا، مەرزىمىنەن بۇرىن ورالادى، دەپ حابارلايدى Kazinform ءتىلشىسى The Mainichi باسىلىمىنا سىلتەمە جاساپ.
- 24 جاستاعى راۋحين جانە ونىڭ بالالارى - سەگىز جاسار يۋحين، التى جاسار سايحين جانە ءتورت جاسار فۋحين شيراحاما قالاسىنداعى (ۆاكاياما پرەفەكتۋراسى) Adventure World ويىن-ساۋىق ساياباعىنان شىعىپ، وزدەرىنىڭ جاڭا ۇيىنە - الىپ پاندالاردى ءوسىرۋ جونىندەگى عىلىمي ورتالىققا بارادى، - دەپ جازدى جاپون باسىلىمى.
ەسكە سالايىق، ۆاكاياما ساياباعى مەن قىتايدىڭ عىلىمي ورتالىعى اراسىنداعى پاندالاردى ءوسىرۋ بويىنشا سەرىكتەستىك باعدارلاماسى 1994 -جىلى باستالدى. ءدال وسى ۋاقىتتا جاپونياعا ەيمەي اتالىعى اكەلىندى.
2023 -جىلى ەيمەي قىتايعا قايتارىلدى جانە 2025 -جىلدىڭ باسىندا كوز جۇمدى.
The Mainichi باسىلىمىنىڭ جازۋىنشا، وسى ءتورت پاندا كەتكەننەن كەيىن جاپونيادا ەكى الىپ پاندا عانا قالادى. ەكى پاندا دا توكيوداعى ۋەنو حايۋاناتتار باعىندا تۇرادى. العاشقى پاندالار 1972 -جىلى قىتايدان ەكى ەل اراسىنداعى ديپلوماتيالىق قارىم-قاتىناستىڭ ورناعانىن تويلاۋ ءۇشىن كەلگەن.
