قىتاي الەمدەگى ەڭ ۇلكەن سۋ ەلەكتر ستانسياسىنىڭ قۇرىلىسىن باستادى
استانا. KAZINFORM - قىتاي بيلىگى الەمدەگى ەڭ ءىرى سۋ ەلەكتر ستانتسياسىنا اينالادى دەپ كۇتىلەتىن مەگا بوگەت قۇرىلىسى جوباسىنىڭ باستالعانىن حابارلادى، دەپ حابارلايدى Kazinform South China Morning Post باسىلىمىنا سىلتەمە جاساپ.
باسىلىمنىڭ حابارلاۋىنشا، بۇل الەمدەگى ەڭ ءىرى جوبا بولماق. ونىڭ جىلدىق قۋاتى 300 ميلليارد كيلوۆاتت-ساعات ەلەكتر ەنەرگياسىنا باعالانادى. ناقتىراق ايتقاندا، اتالمىش نىسان قازىرگى ۋاقىتتا الەمدەگى ەڭ ءىرى دەپ سانالاتىن سانسيا (ءۇش شاتقال) سۋ ەلەكتر ستانسياسىنان ءۇش ەسە كوپ. جالپى ينۆەستيتسيا كولەمى 1,2 تريلليون يۋان (167,2 ميلليارد دوللار) شاماسىندا دەپ باعالانىپ وتىر.
بەيجىڭ الدىمەن تيبەت ءۇستىرتىنىڭ گيدروەنەرگەتيكالىق الەۋەتىن پايدالانۋ جونىندەگى كەڭ ستراتەگيانىڭ ءبىر بولىگى رەتىندە 5 جىلدىق جوسپارىنىڭ بولىگى رەتىندە بوگەتتى 2020-جىلى سالۋ ستراتەگياسىن جاريالادى. جوسپار وتكەن جىلدىڭ جەلتوقسانىندا بەكىتىلگەن.
يارلۋنگ تسانگپو وزەنىنىڭ تومەنگى اعىسىندا جۇرگىزىلىپ جاتقان اۋقىمدى جوبا ءۇندىستان مەن بانگلادەشتە سۋمەن قامتاماسىز ەتۋ جانە قورشاعان ورتاعا اسەر ەتۋ تۋرالى الاڭداۋشىلىق تۋعىزدى. الايدا قىتاي بۇل جوبانىڭ قاتاڭ عىلىمي ساراپتامادان وتكەنىن جانە اعىستىڭ تومەنگى جاعىنداعى ەلدەردىڭ ەكولوگيالىق ورتاسىنا، گەولوگيالىق تۇراقتىلىعىنا نەمەسە سۋ قۇقىعىنا كەرى اسەر ەتپەيتىنىن ايتادى.
قىتاي سىرتقى ىستەر مينيسترلىگىنىڭ مالىمدەۋىنشە، جوبا تابيعي اپاتتاردىڭ الدىن الۋعا جانە ونىڭ سالدارىن ازايتۋعا جانە اعىستىڭ تومەنگى جاعىنداعى ايماقتارداعى كليماتتىڭ وزگەرۋىنە بەيىمدەلۋگە كومەكتەسۋى مۇمكىن.
بۇعان دەيىن قىتاي ستراتەگيالىق پايدالى قازبالار كونترابانداسىمەن كۇرەستى كۇشەيتەتىنىن جازعان ەدىك.
