قىسقى ازيا ويىندارىنىڭ بيلەتتەرى ساتىلىمعا شىقتى
استانا. KAZINFORM - قىتايدىڭ حاربين قالاسىندا وتەتىن IX قىسقى ازيا ويىندارىنىڭ بيلەتتەرى رەسمي ساتىلىمعا شىعا باستادى.

harbin2025.com سايتىنىڭ حابارلاۋىنشا، بيلەتتەر 11- قاڭتار كۇننەن باستاپ tickets.harbin2025.com سايتىندا جانە HARBIN 2025 موبيلدى قوسىمشاسىندا ساتىپ الۋعا بولادى. ەڭ قىمبات بيلەتتىڭ باعاسى 800 يۋان (56 مىڭ تەڭگە) ، ال ەڭ ارزان بيلەتتىڭ قۇنى 120 يۋان (8400 تەڭگە) .
ەسكە سالساق، IX قىسقى ازيا ويىندارى 2025 -جىلدىڭ 7-14- اقپانى ارالىعىندا قىتاي حالىق رەسپۋبليكاسى حەيلۋڭجياڭ پروۆينتسياسىنىڭ حاربين قالاسىندا وتەدى. سپورتشىلار 12 سپورت ءتۇرى بويىنشا 64 مەدال جيىنتىعىن ساراپقا سالادى.
بۇعان دەيىن حابارلاعانىمىزداي، ءدۇبىرلى دودا تاريحتا ەڭ كوپ ەل قاتىسقان قىسقى ازيادانىڭ ءبىرى بولماق.
سونداي-اق، كامبودجا مەن ساۋد ارابياسى قىسقى ازيا ويىندارىنا العاش رەت قاتىسقالى وتىر.
ق ر تۋريزم جانە سپورت مينيسترلىگىنىڭ حابارلاۋىنشا، قازاقستاننان 139 سپورتشى ەل نامىسىن قورعايدى.
وسىعان دەيىن اق ازيادانىڭ حاربين قالاسىنداعى مۇز سپورتى وتەتىن 5 ارەنا جانە يابۋلي تاۋ شاڭعىسى كۋرورتىندا قار سپورتى وتەتىن 8 جارىس الاڭىندا وتەتىنىن جازعان ەدىك.