قىرعىزستانداعى ءدىني ۇيىمدار سانى 4363 كە جەتتى: جاڭا زاڭ تالقىعا ءتۇستى
استانا. KAZINFORM - قازىر قىرعىزستاندا 4363 ءدىني ۇيىم تىركەلگەن، ولاردىڭ 3966-سى يسلامدىق، 391- ءى حريستياندىق، سونداي-اق بىرنەشە بۋدديستىك، يۋدەيلىك جانە باحاي ۇيىمدارى بار، دەپ حابارلايدى كابار.
بۇل دەرەكتەر ا ق ش- تىڭ حالىقارالىق ءدىني بوستاندىق جونىندەگى كوميسسياسى (USCIRF) مەن ق ر اقىيقات ينستيتۋتىنىڭ قۇقىق قورعاۋشىلارى اراسىنداعى كەزدەسۋدە ايتىلدى.
ق ر ومبۋدسمەن ينستيتۋتىنىڭ باسپا ءسوز قىزمەتىنىڭ حابارلاۋىنشا، كوميسسيا ءتورايىمى ۆيكي حارتتسلەر مەن ءتوراعا ورىنباسارى اسيف ماحمۋد اقىيقاتچى جاميليا جامانبايەۆامەن كەزدەستى. كەزدەسۋدە ءدىني سەنىم بوستاندىعىن ساقتاۋ، سونداي- اق 2025 -جىلعى 1- اقپاندا كۇشىنە ەنگەن جاڭا ءدىن تۋرالى زاڭدى جۇزەگە اسىرۋ ماسەلەلەرى تالقىلاندى.
جاميليا جامانبايەۆا قىرعىزستاندا سەنىم بوستاندىعى، زاڭ الدىنداعى تەڭدىك جانە ءدىني بەلگىلەرى بويىنشا كەمسىتۋگە جول بەرمەۋ قاعيداتتارى ادام قۇقىقتارى سالاسىنداعى مەملەكەتتىك ساياساتتىڭ اجىراماس بولىگى ەكەنىن اتاپ ءوتتى.
- قىرعىزستاندا ءدىنارالىق جانە كونفەسسياارالىق توزىمدىلىك ساقتالىپ وتىر، قانداي دا ءبىر شيەلەنىستى جاعداي بايقالمايدى، - دەدى اقىيقاتچى.
ونىڭ ايتۋىنشا، 2024 -جىلدان باستاپ ينستيتۋتقا ءدىني سەنىمگە قاتىستى بىرنەشە شاعىم تۇسكەن. مىسالى، تەرگەۋ يزولياتورىنداعى ايەل ءدىني راسىمدەردى ورىنداۋعا مۇمكىندىك جوقتىعىنا شاعىمدانعان. ينستيتۋت ارالاسقاننان كەيىن، مەكەمە اكىمشىلىگى جاعدايدى شەشىپ، كەدەرگىلەر جويىلعان.
تاعى ءبىر جاعداي پسيحياتريالىق مەكەمەدە جاتقان ناۋقاس ايەلدىڭ ناماز وقۋعا رۇقسات الا الماۋىنا قاتىستى بولعان. تەكسەرۋدەن كەيىن مەكەمە قىزمەتكەرىنە ەسكەرتۋ جاسالدى.
ۆيكي حارتتسلەر جاڭا قابىلدانعان «ءدىني سەنىم بوستاندىعى جانە ءدىني بىرلەستىكتەر تۋرالى» زاڭنان كەيىن كىشى ءدىني توپتاردىڭ قىزمەتى شەكتەلۋى مۇمكىن ەكەنىنە الاڭداۋشىلىق ءبىلدىردى.
- شىركەۋ مۇشەلەرى از ءدىني ۇيىمدار قىزمەتىن جالعاستىرا الماۋى ىقتيمال، ويتكەنى جاڭا زاڭعا سايكەس، تىركەلۋ ءۇشىن كەمىندە 500 ادام قاجەت، - دەدى ول.
سونداي-اق، حارتتسلەردىڭ ايتۋىنشا، كەيبىر وڭىردە جەرگىلىكتى بيلىك كەيبىر ءدىني ۇيىمنىڭ قايتا تىركەلۋىنە كەدەرگى كەلتىرەدى. ال زاڭ بويىنشا ولار ەكى جىل ىشىندە قايتا تىركەۋدەن ءوتۋى ءتيىس.
ءوز كەزەگىندە، كوميسسيا ءتوراعاسىنىڭ ورىنباسارى اسيف ماحمۋد ءدىني ءبىلىم بەرۋ مەكەمەلەرىنىڭ قىزمەتىنە نازار اۋداردى. ونىڭ ايتۋىنشا، كەيبىر مەدرەسەدە ەكسترەميستىك يدەيالار تارالۋى مۇمكىن، بۇل ءوز كەزەگىندە ۇلتتىق قاۋىپسىزدىككە قاۋىپ توندىرەدى.
جاميليا جامانبايەۆا بيىل ينتەرنات ۇلگىسىندەگى ءدىني وقۋ ورىندارىنا مونيتورينگ جۇرگىزۋ جوسپارلانىپ وتىرعانىن مالىمدەدى.
