قىرعىزستاندا تاۋداعى كول تاسىپ، 180 ادام ەۆاكۋاتسيالاندى

استانا. KAZINFORM - قىرعىزستاننىڭ ءچۇي وبلىسى ىسىك-اتا اۋدانىندا تاكىر-تور تاۋ كولىنىڭ بوگەتى جارىلىپ، 180 ادام ەۆاكۋاتسيالاندى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

قىرعىز رەسپۋبليكاسىنىڭ ت ج م مالىمەتىنشە، قۇتقارۋشىلار قارتتار مەن مۇگەدەكتەرگە ارنالعان ينتەرنات ءۇيىنىڭ تۇرعىندارىن قوسا العاندا، 180 ادامدى قاۋىپسىز جەرگە كوشىردى.

ق ر ت ج م ءمينيسترى، گەنەرال-مايور بووبەك اجيكەيەۆتىڭ تاپسىرماسى جانە جەكە باقىلاۋىمەن المالۋۋ، گورنايا سەرافيموۆكا جانە نيجنيايا سەرافيموۆكا اۋىلدارىندا ەۆاكۋاتسيالىق شارالار جۇرگىزىلۋدە.

وقيعا ورنىندا ت ج م قاراستى مونيتورينگ جانە بولجامداۋ دەپارتامەنتىنىڭ ماماندارى جۇمىس ىستەپ جاتىر. تاكىر-تور كولىنىڭ جاعدايى دروننىڭ كومەگىمەن ناقتىلاۋدا، سونداي-اق كولدەن سۋ اعىمىنا مونيتورينگ جۇرگىزىلۋدە. ارنايى تەحنيكا تارتىلىپ، ءتيىستى شارالارعا دايىندىق قامتاماسىز ەتىلدى.

ايتا كەتەيىك، بيىلعى ناۋرىز ايىندا قىرعىزستاننىڭ بىرنەشە وڭىرىندە اۋا رايىنىڭ جىلىنۋى مەن جاۋىن-شاشىننىڭ كوپ تۇسۋىنە بايلانىستى قاردىڭ كۇرت ەرۋىنەن لاي كوشكىنى جۇرگەنى حابارلانعان بولاتىن.

ايتا كەتەيىك، قىرعىزستاندا شەگىرتكەمەن كۇرەستە جاڭا پرەپارات قولدانىلا باستادى.