قىرعىزستاندا تاعى دا الاپات سەل ءجۇردى

بىشكەك. KAZINFORM - بۇگىن كەشكى 18:30 شاماسىندا قىرعىزستاننىڭ جالالاباد وبلىسى ارىستانباپ اۋىلىندا جاڭبىردان كەيىن سۋ تاسقىنى ءجۇرىپ ءوتتى. بۇل جايىندا جەرگىلىكتى Kabar اگەنتتىگىنەن حابارلاندى.

اقپارات كوزدەرى جالالاباد وبلىسى بازارقورعان اۋدانىندا سەلدەن ىشكى جولدار مەن جەڭىل كونسترۋكتسيالارعا زاقىم كەلگەنىن جەتكىزدى.

توتەنشە جاعدايلار مينيسترلىگىنىڭ مالىمەتىنە سەنسەك، قازىر جولدار اشىق تۇر. وقيعا ورنىندا قۇتقارۋ قىزمەتى جۇمىس ىستەپ جاتىر.

18:55 كەزىندە سەل جۇرگەن ايماققا ت ج م جەدەل قىزمەتى مەن وڭىرلىك ۆەدومستۆونىڭ باسشىسى ابدۋلناسىر زاكيروۆ اتتاندى.

زارداپ شەككەندەر مەن كەلگەن شىعىن جايلى اقپارات ناقتىلانىپ جاتىر.

ەسكە سالا كەتەيىك، 14-شىلدەدە قىرعىزستاننىڭ وش وبلىسىندا دا تولاسسىز جاۋىننان كەيىن وزەندەر ارناسىنان شىعىپ، سەل ءجۇرىپ وتكەن بولاتىن.

قالادا توتەنشە جاعداي جاريالاندى.

تاسقىن «مولبۇلاق» دەمالىس ورتالىعىندا تۇرىپ جاتقان 4 ادامدى اعىزىپ اكەتتى. ولاردىڭ ءبارى - ءبىر وتباسىنىڭ مۇشەلەرى، ياعني 44 جاستاعى اناسى مەن 19، 10 جانە 6 جاسار ءۇش قىزى.

كەيىننەن سۋعا اعىپ كەتكەن 4 ادامنىڭ دەنەسى وزبەكستاننان تابىلدى.