قىرعىزستاندا قابىقتى اكتاس ەكسپورتىنا موراتوري ەنگىزىلدى
بىشكەك. KAZINFORM - ەلدە قابىقتى اكتاستى ە ا ە و كەدەندىك اۋماعىنان تىسقارى جەرلەرگە شىعارۋعا ۋاقىتشا تىيىم سالىندى، دەپ حابارلايدى ءKazіnform مەنشىكتى ءتىلشىسى.
ءتيىستى جارلىققا قىرعىز رەسپۋبليكاسى مينيسترلەر كابينەتىنىڭ باسشىسى ادىلبەك قاسىماليەۆ قول قويدى.
وڭدەلمەگەن نەمەسە قاتتى ۇساقتالماعان، تىكبۇرىشتى نەمەسە ءتورتبۇرىشتى بلوكتارعا نەمەسە پليتالارعا كەسىلىپ نەمەسە باسقا جولمەن بولىنگەن قابىقتى اكتاستى اكەتۋگە تىيىم سالىنادى.
بۇل شارالار ورنى تولمايتىن تابيعي رەسۋرستاردى ۇتىمدى پايدالانۋعا جانە «جالپاق- تاش» كەن ورنىنداعى تابيعي قابىقتى اكتاس شيكىزاتىنىڭ تاپشىلىعىن بولدىرماۋعا باعىتتالعان.
قىرعىز رەسپۋبليكاسىنىڭ ەكونوميكا جانە ساۋدا مينيسترلىگىنە قاۋلى كۇشىنە ەنگەن كۇننەن باستاپ ءۇش كۇننەن كەشىكتىرمەي بەلگىلەنگەن تارتىپپەن دۇنيەجۇزىلىك ساۋدا ۇيىمى مەن ەۋرازيالىق ەكونوميكالىق كوميسسيانى ۋاقىتشا تىيىم سالۋدىڭ ەنگىزىلگەنى تۋرالى حاباردار ەتۋ تاپسىرىلدى. ال ەلدىڭ سىرتقى ىستەر مينيسترلىگىنە ت م د اتقارۋ كوميتەتىن حاباردار ەتۋ تاپسىرىلدى.
بۇعان دەيىن قىرعىزستاندا مال ەكسپورتىنا ۋاقىتشا تىيىم سالىنعانىن جازعان بولاتىنبىز.
اۆتور
زارينا تۋعانبايەۆا
