قىرعىزستاندا ەل تۋىن وزگەرتۋگە قاتىستى زاڭ جوباسى قابىلداندى

جوگوركۋ كەنەش وتىرىسىندا دەپۋتاتتار ەل تۋىن وزگەرتۋ تۋرالى زاڭ جوباسىن ەكىنشى جانە ءۇشىنشى وقىلىمدا قابىلدادى. Kazinform بۇل تۋرالى كابار اگەنتتىگىنە سىلتەمە جاساپ حابارلايدى.

زاڭ جوباسىن 59 دەپۋتات قولداسا، تاعى بەسەۋى وعان قارسى داۋىس بەردى.

قىرعىز رەسپۋبليكاسىنىڭ مەملەكەتتىك سيمۆولىن وزگەرتۋ ۇسىنىسىن - سپيكەر نۋرلانبەك شاكيەۆ پەن دەپۋتات ۋلان پريموۆ جاساعان بولاتىن. ولاردىڭ سوزىنشە، قازىر تۋدىڭ ورتاسىنداعى كۇن ساۋلەسى مەن تۇندىك تۇرلىشە قابىلدانادى. بىرەۋلەر ونى كۇنباعىسقا ۇقساتسا، ەندى ءبىرى كيىز ءۇي بولىگى رەتىندە كورەدى.

داۋىس بەرۋدەن كەيىن پالاتا ءتوراعاسى ارىپتەستەرىن تۋعا تۇزەتۋدىڭ ەنگىزىلۋىمەن قۇتتىقتادى.

ءمالىم ەتىلگەندەي، زاڭ جوباسى قىرعىز رەسپۋبليكاسىنىڭ نەگىزگى مەملەكەتتىك رامىزدەرىنىڭ ءبىرى - قىرعىز رەسپۋبليكاسىنىڭ تۋىن جەتىلدىرۋگە باعىتتالعان. اتاپ ايتقاندا، تۋداعى تولقىن ءتارىزدى ساۋلەلەردىڭ ءپىشىنىن ءتۇزۋ سىزىقتارعا وزگەرتۋ ۇسىنىلعان. ەل پرەزيدەنتى سادىر جاپاروۆ بۇل باستامانى قولدايتىنىن بىلدىرگەن ەدى.

قىرعىز حالقى مەملەكەتتىك ءرامىزدى وزگەرتۋگە قارسى نارازىلىق اكسياسىن وتكىزگەنىن دە ايتا كەتەيىك.

اۆتور

زارينا تۋعانبايەۆا