قىرعىزستاندا فاميليا جازۋدىڭ جاڭا نۇسقاسىن ەنگىزۋ ۇسىنىلدى

استانا. KAZINFORM - قىرعىزستاندا قۇجاتتا ادامنىڭ تەگىن جازۋدىڭ جاڭا نۇسقاسىن ەنگىزۋ ۇسىنىلدى، دەپ جازادى كابار.

ءتيىستى زاڭ جوباسىن قوعامدىق تالقىلاۋعا جوگوركۋ كەنەش سپيكەرى نۇرلانبەك شاكيەۆ پەن دەپۋتات ميرلان سامىيقوجا ۇسىندى.

باستاماشىلاردىڭ ايتۋىنشا، وزگەرىس ەنگىزۋدىڭ باستى ماقساتى - قىرعىزداردىڭ سالت-ءداستۇرى مەن مادەني ەرەكشەلىكتەرىنە ساي فاميليا تاڭداۋ مۇمكىندىكتەرىن كەڭەيتۋ.

زاڭنامانىڭ قولدانىستاعى رەداكسياسىندا فاميليا تاڭداۋدىڭ شەكتەۋلى نۇسقالارى بار. بۇل مادەني ءداستۇر مەن وتباسىلىق ەرەكشەلىكتەردى ساقتاعىسى كەلەتىن ازاماتتار ءۇشىن قيىندىقتار تۋدىرۋى مۇمكىن.

قازىرگى فاميليالار جۇيەسى ءاردايىم قىرعىز مادەنيەتى مەن وتباسىلىق ادەت-عۇرىپتاردىڭ بايلىعىن ەسكەرمەيدى، بۇل مادەني مۇرانى دارالاۋ مەن كەيىنگى بۋىنعا بەرۋ مۇمكىندىكتەرىن شەكتەيدى.

زاڭ جوباسىندا تەگى مەن اكەسىنىڭ اتىن جازۋدىڭ كەلەسى نۇسقالارىن قوسۋ ۇسىنىلادى:

- اتاسىنىڭ اتىمەن تەگىن جازۋ كەزىندە بالانىڭ اكەسىنىڭ اتىنا اتا-اناسىنىڭ قالاۋى بويىنشا ەر بالا بولسا «ۇلى» ءسوزى جانە قىز بالا بولسا «قىزى» ءسوزى قوسىلادى. اتاسىنىڭ اتىمەن تەگىن جازۋدا «تەگى» ءسوزى قوسىلىپ جازىلسا، وندا بۇل جاعدايدا ەر بالالارعا «دىن/تىن»، «دين/تين»، «ءدۇن/تۇن» يەلىك جالعاۋلارى جازىلادى. ال قىز بالالارعا «دان /تان»، «دەن/تەن»، «ءدون/تون» جالعاۋلارى قوسىلادى.

سونىمەن قاتار، قىرعىز تىلىندە «تەگىن» ءسوزى تانىمال بولا قويعان جوق، ويتكەنى بۇل ءسوزدىڭ ماعىناسى ءبىر نارسەنى نەمەسە الدەنەنى جوققا شىعارۋدى ءبىلدىرۋى مۇمكىن. قىرعىز حالقىندا «تەگىن جەردەن ءسوز بولمايدى» دەگەن ءسوز بار، ول «اڭگىمە جوق جەردەن شىقپايدى» دەگەن ماعىناداعى قۇبىلىستىڭ بولىمسىزدىعىن بىلدىرەدى.

سونىمەن بىرگە «تەگى» ءسوزى ادامنىڭ قانداي جىنىسقا جاتاتىنىن كورسەتەدى.