قىرعىزستان مەن تاجىكستان شەكارا ماسەلەسىن تولىق رەتتەدى

بىشكەك. KAZINFORM - بىشكەكتەگى «الا-ارچا» مەملەكەتتىك رەزيدەنسياسىندا قىرعىز- تاجىكستان مەملەكەتتىك شەكاراسىن دەليميتاتسيالاۋ جانە دەماركاتسيالاۋ ماسەلەلەرى بويىنشا قىرعىزستان مەن تاجىكستان ۇكىمەتتىك دەلەگاتسيالارىنىڭ بىرلەسكەن وتىرىسى ءوتتى، دەپ حابارلايدى Kazinform مەنشىكتى ءتىلشىسى.

قىرعىز رەسپۋبليكاسى مينيسترلەر كابينەتىنىڭ باسپا ءسوز قىزمەتىنىڭ حابارلاۋىنشا، قىرعىز رەسپۋبليكاسى مەن تاجىكستان رەسپۋبليكاسىنىڭ ۇكىمەتتىك دەلەگاتسيالارىنىڭ باسشىلارى كامچىبەك تاشيەۆ پەن سايمۋمين ياتيموۆ قىرعىز-تاجىك شەكاراسىن دەليميتاتسيالاۋ تۋرالى قورىتىندى حاتتاماعا قول قويدى.

وتىرىس بارىسىندا دەلەگاتسيا باسشىلارى كەلەسى جوبالارعا پاراگراف بەردى:

- قىرعىزستان مەن تاجىكستان اراسىنداعى قىرعىز-تاجىك مەملەكەتتىك شەكاراسى تۋرالى كەلىسىم؛

- قىرعىزستان مەن تاجىكستان اراسىنداعى اۆتوموبيل جولدارىن سالۋ جانە پايدالانۋ، اۆتوموبيل جولدارىنىڭ قيىلىستارىن دامىتۋ جانە پايدالانۋ تۋرالى كەلىسىم؛

- قىرعىزستان مينيسترلەر كابينەتى مەن تاجىكستان ۇكىمەتى اراسىنداعى سۋ شارۋاشىلىعى جانە ەنەرگەتيكالىق نىساندارعا قولجەتىمدىلىكتى قامتاماسىز ەتۋ تۋرالى كەلىسىم.

تاراپتار سونداي-اق ءتيىستى ەكىجاقتى حالىقارالىق شارتتاردى مەملەكەت ىشىندە ماقۇلداۋ ءراسىمىن باستاۋ جونىندە تاپسىرما بەردى.

بۇعان دەيىن قىرعىزستان مەن تاجىكستان شەكارا جونىندە كەلىسكەنىن جازعان بولاتىنبىز.

اۆتور

زارينا تۋعانبايەۆا