10:42, 25 - ناۋرىز 2025 | GMT +5
قىرعىزستان باسقا ەلدەردىڭ ءتولقۇجاتتارىن شىعارا باستادى
بىشكەك. KAZINFORM - قىرعىزستان باسقا ەلدەردىڭ ءتولقۇجاتتارىن شىعارا باستادى. بۇل تۋرالى بۇگىن قىرعىز رەسپۋبليكاسى پرەزيدەنتى ءىس باسقارماسىنىڭ باسشىسى قانىبەك تۇمانبايەۆ ءمالىم ەتتى.
ونىڭ ايتۋىنشا، قىرعىز رەسپۋبليكاسى وتكەن جىلدان باستاپ جالپى ازاماتتىق ءتولقۇجاتتاردى ءوزى شىعارا باستاعان.
- بۇدان باسقا، ءبىز تاعى ەكى مەملەكەتتىڭ ءتولقۇجاتىن دايىنداۋعا تاپسىرىس الدىق. بۇرىن باسقا ەلدەردە ءتولقۇجاتتى اقشا تولەپ راسىمدەيتىن بولساق، قازىر باسقا ەلدەر بىزگە تاپسىرىسپەن جۇگىنىپ جاتىر، - دەپ باياندادى تۇمانبايەۆ.
بۇعان دەيىن قازاقستاندا ءتولقۇجاتتى تەگىن الاتىن ازاماتتاردىڭ 9 ساناتىن جاريالاعان بولاتىنبىز.
ەسكە سالا كەتسەك، قازاقستاندىقتار جەكە كۋالىكتى ونلاين اۋىستىرا الادى.
