قىلمىس الەمىنىڭ سەركەسى «سەرىك گولوۆا» قايتىس بولدى
الماتى. KAZINFORM - «سەرىك گولوۆا» لاقاپ اتىمەن تانىلعان سەرىك جامانايەۆ قاتەرلى ىسىك اۋرۋىنان قايتىس بولدى.
سولتۇستىك قازاقستان وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ مالىمەتىنشە، سوتتالعان جامانايەۆ 2024 -جىلدىڭ جەلتوقسان ايىندا تۇزەۋ مەكەمەسىنە اۋىستىرىلعان.
- ول كەلگەن سوڭ بىردەن تولىق مەديتسينالىق تەكسەرۋدەن ءوتتى. دياگنوزى: باۋىر ىسىگى، ءۇشىنشى ساتى. وسى كەزدەن باستاپ ول ۇنەمى دارىگەرلەردىڭ باقىلاۋىندا بولدى. سوتتالۋشى بىرنەشە رەت تەكسەرىلۋ جانە ەمدەلۋ ءۇشىن مەديتسينالىق مەكەمەلەرگە جەتكىزىلدى. 8 - ساۋىردە ول كوپسالالى ونكولوگيالىق اۋرۋحاناعا جاتقىزىلدى. قولدانىلعان شارالارعا قاراماستان ول 25 -ساۋىردە قايتىس بولدى، - دەلىنگەن حابارلامادا.
ەسكە سالايىق، قىلمىس الەمىندە «سەرىك- گولوۆا» لاقاپ اتىمەن تانىمال سەرىك جامانايەۆ 2021 -جىلى 19 -جىلعا سوتتالعان بولاتىن. ول وتكەن جىلدىڭ اقپانىندا ۇ ق ك مەن ءى ءى م- ءنىڭ بىرلەسىپ جۇرگىزگەن وپەراتسياسى كەزىندە قولعا ءتۇستى.
