قوستانايدا ساۋمال ۇنتاعىن شىعاراتىن فەرما جۇمىس ىستەپ تۇر
قوستاناي وبلىسىندا جىلىنا 40 توننا ساۋمال ۇنتاعىن شىعاراتىن فەرما جۇمىس ىستەپ تۇر، دەپ حابارلايدى Kazinform.
«S-Agro-Borovskoe» ج ش س جىلىنا 40 توننا ساۋمال ۇنتاعىن شىعاراتىن فەرمانى ىسكە قوستى. كاسىپورىن تولىق قۋاتىمەن جۇمىس ىستەي باستاعان كەزدە 1000 ادامدى جۇمىسپەن قامتۋى كەرەك.
وسى فەرمانىڭ ارقاسىندا وڭىردە بۇرىن- سوڭدى بولماعان ءونىم پايدا بولعان. ساۋمال ۇنتاعىنىڭ ەڭ باستى قاسيەتى - قانشا ۋاقىت ساقتاسا دا ەمدىك قاسيەتىن جوعالتپايتىنىندا.
«زاماناۋي تەحنولوگيالاردىڭ ارقاسىندا وسىنداي بىرەگەي مۇرامىزدى ساقتاپ قانا قويماي، حالىقارالىق دەڭگەيگە شىعارا الدىق»، - دەيدى جوبا اتۆورلارى.
سونداي- اق «م ي ل ح» ج ش س ىرىمشىكتىڭ 10 ءتۇرلى ءونىمىن شىعاراتىن كەشەن سالىپ جاتىر. بۇل جوباعا گەرمانيالىق «دويچەس ميلحكونتور» كومپانياسى ينۆەستيتسيا سالماق. ول ينۆەستيتسيانىڭ ارقاسىندا وڭىردەگى ىرىمشىك ءوندىرىسىنىڭ كولەمى 1,5 ەسە ارتادى، يمپورت ۇلەسى تومەندەيدى دەگەن ەسەپ بار.
قۇنى 7,2 ميلليارد تەڭگە بولاتىن جوبا جىلىنا 2 مىڭ توننا ءونىم شىعارۋعا مۇمكىندىك بەرەدى. وسىلاي وڭىردەگى وڭدەلگەن ءسۇت ونىمدەرىنىڭ ۇلەسىن % 46- دان % 60- عا دەيىن ارتتىرامىز. ونىڭ ۇستىنە گەرمانياعا دا ءونىم ەكسپورتتاۋ تۋرالى كەلىسىم بار.
اۆتور
ەسىمجان ناقتىباي
