قوستاناي وبلىسىندا كوكپار كەزىندە ات شاباندوزدىڭ ۇستىنە قۇلاپ ءتۇستى
استانا. KAZINFORM - وقىس وقيعا قوستاناي اۋدانىنا قاراستى زارەچنوە اۋىلىندا ءداستۇرلى كوكپار جارىسى كەزىندە بولعان، دەپ حابارلايدى Kazinform ءتىلشىسى.
وقيعا ورنىنان تۇسىرىلگەن ۆيدەو كۇنى بۇرىن ايماقتىق بۇقارالىق اقپارات قۇرالدارىندا جاريالاندى. كادرلاردا اتتىڭ شاباندوزدىڭ ۇستىنە قۇلاپ تۇسكەنى كورىنەدى.
قوستاناي اۋدانى اكىمدىگىنىڭ حابارلاۋىنشا، جارىستاردا مەديتسينالىق قامتاماسىز ەتۋ تولىق كولەمدە ۇيىمداستىرىلعان - بارلىق سپورت الاڭىندا جەدەل جاردەم بريگادالارى كەزەكشىلىك اتقارعان. وقىس وقيعادان كەيىن زارداپ شەككەن سپورتشىعا جەدەل تۇردە العاشقى مەديتسينالىق كومەك كورسەتىلگەن.
دارىگەرلەردىڭ ايتۋىنشا، سپورتشىنىڭ اياعى شىعىپ كەتكەن. جاعدايى قاناعاتتانارلىق، ول دارىگەرلەردىڭ باقىلاۋىندا جانە وزدىگىنەن ءجۇرىپ-تۇرا الادى. ءومىرى مەن دەنساۋلىعىنا ءقاۋىپ جوق.
ۇيىمداستىرۋشىلار جاعدايدى باقىلاۋدا ۇستاپ وتىرعاندارىن ايتىپ، سپورتشىعا تەز ساۋىعىپ كەتۋىن تىلەدى.
