قوس جاس ءوسپىرىم رۋدنىيداعى تۇزەتۋ ورتالىعىنان قاشىپ كەتتى
استانا. KAZINFORM - پوليتسيا قالا تۇرعىندارىنان ەكى جاس ءوسپىرىمدى ىزدەۋگە كومەكتەسۋدى سۇرايدى، دەپ حابارلايدى Kazinform ءتىلشىسى.
7-ساۋىردە رۋدنىي قالاسىنىڭ پوليتسياسىنا «ەرەكشە ءبىلىم بەرۋ قاجەتتىلىكتەرى بار وتباسىن قولداۋ ورتالىعىندا» ەكى تاربيەلەنۋشىنىڭ جوعالىپ كەتكەنى تۋرالى حابارلاما كەلىپ ءتۇستى. 15 جانە 17 جاستاعى جاسوسپىرىمدەر مەكەمەدەن قاشىپ كەتتى.
- قازىرگى ۋاقىتتا ولاردى ىزدەستىرۋگە 20 تەحنيكا، 53 پوليتسيا قىزمەتكەرى، 15 ەرىكتى، سونداي-اق رۋدنىي قالاسىنىڭ تۇرعىندارى جۇمىلدىرىلعان. كۇنى بويى قالانىڭ كوشەلەرى مەن ساياجايلارى تەكسەرىلدى. قازىر قوستاناي اۋدانىنىڭ جاقىن اۋىلدارىندا ىزدەۋ جۇمىستارى جالعاسىپ جاتىر، ويتكەنى جاسوسپىرىمدەردى سوڭعى رەت سەرگەيەۆكا جانە كونستانتينوۆكا اۋىلدارىندا كورگەن، - دەپ حابارلادى قوستاناي وبلىسى پ د.
پوليتسەيلەردىڭ ايتۋىنشا، ولار جاياۋ ءجۇر.
بۇعان دەيىن 15 جاستاعى جاس ءوسپىرىمنىڭ تاعى دا قاشقانى بەلگىلى بولدى.
قوستاناي وبلىسىنىڭ پوليتسيا دەپارتامەنتى كامەلەتكە تولماعانداردىڭ ورنالاسقان جەرى تۋرالى قانداي دا ءبىر اقپارات بىلەتىندەر بولسا، 102 تەلەفونىنا حابارلاسۋعا شاقىرادى.
