قوس ازاماتتىقپەن جۇرگەن ادام ەلدەن شىعارىلدى
اباي وبلىسىندا قوس ازاماتتىقپەن جۇرگەن ەر ادام ەلدەن شىعارىلدى، - دەپ حابارلايدى ءى ءى م باسپا ءسوز قىزمەتى.
قازاقستان زاڭناماسى بويىنشا باسقا ازاماتتىق العاننان كەيىن ادام كۇنتىزبەلىك 30 كۇن ىشىندە قازاقستاندىق ۇلگىدەگى پاسپورت پەن جەكە كۋالىكتى تاپسىرۋعا جانە ازاماتتىعىنان ايىرىلعانىن تىركەۋگە مىندەتتى. الايدا قازاقستاننىڭ كەيبىر تۇرعىندارى باسقا مەملەكەتتىڭ ازاماتتارى بولا تۇرا قازاقستانعا كىرۋ جانە تۇرۋ ءۇشىن قازاقستاندىق قۇجاتتاردى پايدالانادى.
ۆەدومستۆو مالىمەتىنشە، ولار قازاقستاننىڭ الەۋمەتتىك، زەينەتاقى جانە باسقا دا جەڭىلدىكتەرىن پايدالانۋ ءۇشىن ازاماتتىق اۋىسقانىن حابارلاۋعا اسىقپايدى.
«قاراشادا كوشى-قون قىزمەتىنىڭ قىزمەتكەرلەرى سەمەي قالاسىنىڭ 33 جاستاعى تۇرعىنىن انىقتادى، ول 2023-جىلعى شىلدەدە رەسەي فەدەراتسياسىنىڭ ازاماتتىعىن العان. الايدا ول تۋرالى مالىمدەمەگەن جانە سايكەسىنشە قازاقستان رەسپۋبليكاسىنىڭ ازاماتتىعىنان باس تارتۋ ءراسىمىن ۋاقىتىلى تىركەمەگەن»، - دەدى اباي وبلىسى پ د ك ق ق ب باستىعى ورىنباسارىنىڭ مىندەتىن اتقارۋشى باۋىرجان يمانگاجانوۆ.
سوت شەشىمى بويىنشا قۇقىق بۇزۋشى قازاقستان رەسپۋبليكاسىنىڭ اۋماعىنان شىعارىلدى. قۇقىق بۇزۋشىدان قازاقستان رەسپۋبليكاسى ازاماتىنىڭ پاسپورتى تاركىلەندى.
