قوس اياعىنان ايىرىلعان قىز بالانىڭ وڭالتۋىن موينىمىزعا الامىز - مينيستر
استانا. KAZINFORM - ەلوردادا جول اپاتى سالدارىنان ەكى اياعىنان ايىرىلعان قىز بالانى وڭالتۋ شاراسىن تولىعىمەن ەڭبەك جانە حالىقتى الەۋمەتتىك قورعاۋ مينيسترلىگى جاۋاپكەرشىلىگىنە الادى. بۇل تۋرالى ۆەدومستۆو باسشىسى سۆەتلانا جاقىپوۆا ءمالىم ەتتى.
- پروتەزدەۋ بويىنشا بارلىق قىزمەتتى، سونداي-اق وڭالتۋ شاراسىن ءوز موينىمىزعا الامىز. كەشە بۇقارالىق اقپارات قۇرالدارىندا دا اقپارات جاريالاندى، ياعني قىز بالا ەگىندىكول اۋداندىق ەمحاناسىندا تىركەلگەن. قازىر دارىگەرلەر تاراپىنان جەكە وڭالتۋ باعدارلاماسى ازىرلەنىپ جاتىر. وتباسى ءبىزدىڭ قاراۋىمىزدا، - دەگەن تۇسىنىك بەردى سۆەتلانا جاقىپوۆا ماجىلىستە ب ا ق وكىلدەرىنىڭ ساۋالىنا جاۋاپ بەرە تۇرىپ.
كەشە استانادا جول اپاتىنان ەكى اياعىنان ايىرىلعان قىز بالا اۋرۋحانادان شىقتى.
ەسكە سالايىق، استانادا اۆتوبۋس جۇرگىزۋشىسى رولگە يە بولا الماي، جول جيەگىندەگى باعانعا سوقتىعىسقانى انىقتالدى.
جول اپاتىنان ءبىر زارداپ شەگۋشىنىڭ جاعدايى اۋىر ەكەنى، وتا جاسالاتىنى ايتىلدى. كەيىن زارداپ شەككەن 1 جولاۋشىنىڭ اياعىنا امپۋتاتسيا جاسالعانى بەلگىلى بولدى.
