قورعاس كەدەن بەكەتىندە دەكلاراتسيالانباعان اقشانى الىپ ءوتۋدىڭ 4 فاكتىسى انىقتالدى

استانا. KAZINFORM - بيىلعى جىلدڭ 11-13-ناۋرىزى ارالىعىندا، جەتىسۋ وبلىسى بويىنشا مەملەكەتتىك كىرىستەر دەپارتامەنتىنىڭ «شى ح و- قورعاس» كەدەن بەكەتىندە دەكلاراتسيالانباعان قولما-قول اقشانى قازاقستاننان اكەتۋدىڭ 4 فاكتىسىنىڭ جولى كەسىلدى.

ق ر ق م مەملەكەتتىك كىرىستەر كوميتەتىنىڭ باسپا ءسوز قىزمەتى تاراتقان مالىمەتتەرگە قاراعاندا، ق ر ازاماتتارى ۇلتتىق ۆاليۋتامەن العاندا جالپى سوماسى 21,4 ميلليون تەڭگەنى قۇرايتىن قولما-قول اقشانى الىپ كەتپەك بولعان.

بارلىق فاكتىلەر بويىنشا زاڭ بۇزۋشىلار اكىمشىلىك جاۋاپقا تارتىلدى.

قازاقستان رەسپۋبليكاسىنىڭ كەدەن كودەكسىنىڭ 343-بابى 1-تارماعىنىڭ 7) تارماقشاسىنا سايكەس، ەگەر ە ا ە و كەدەندىك اۋماعىنا ءبىر ۋاقىتتا اكەلۋ نەمەسە ە ا ە و كەدەندىك اۋماعىنان ءبىر ۋاقىتتا اكەتۋ كەزىندە مۇنداي قولما-قول اقشا قاراجاتىنىڭ جانە (نەمەسە) جول چەكتەرىنىڭ جالپى سوماسى كەدەن ورگانىنا جولاۋشىلارعا ارنالعان كەدەندىك دەكلاراتسيانى ۇسىنعان كۇنگە قولدانىستا بولاتىن ۆاليۋتا باعامى بويىنشا ون مىڭ ا ق ش دوللارىنا بالامالى سومادان اسىپ كەتسە، قولما-قول اقشا قاراجاتى جانە (نەمەسە) جول چەكتەرى كەدەندىك دەكلاراتسيالاۋعا جاتادى.

«سونداي-اق، ق ر پرەزيدەنتىنىڭ 2022 -جىلعى 14-ناۋرىزداعى №830 «قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ جونىندەگى شارالار تۋرالى» جارلىعىنا سايكەس 10000 مىڭ ا ق ش دوللارىنان اساتىن سومادا قولما-قول شەتەل ۆاليۋتاسىن اكەتۋگە تىيىم سالىنعانىن ەسكە سالامىز»، - دەلىنگەن حابارلامادا.

اۆتور
داۋلەت ىزتىلەۋ