قورعانىس- ونەركاسىپ كەشەنىن دامىتۋ قورى جىل اياعىنا دەيىن قۇرىلادى - ءا. سمايىلوۆ

ۇكىمەت ماشينا جاساۋ سالاسىن دامىتۋ جونىندەگى كەشەندى جوسپار ازىرلەپ جاتىر. بۇل تۋرالى پرەمەر- مينيستر ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

Смаилов
Фото: Фото: ҚР Үкіметі

«وتاندىق كاسىپورىنداردى قولداۋ ءۇشىن جىل سوڭىنا دەيىن ارنايى قورعانىس- ونەركاسىپ كەشەنىن دامىتۋ قورى قۇرىلاتىن بولادى. سونداي- اق، مەملەكەت باسشىسىنىڭ تاپسىرماسى بويىنشا ماشينا جاساۋ سالاسىن دامىتۋ جونىندەگى كەشەندى جوسپاردىڭ جوباسى دايىندالۋدا»، - دەدى ول ۇكىمەت وتىرىسىندا.

ايتۋىنشا، اتالعان جوسپاردى ىسكە اسىرۋ ارقىلى سالاداعى ءوندىرىستى 2 ەسەدەن استام، ەكسپورت كولەمىن 3 ەسە، نەگىزگى كاپيتالعا سالىناتىن ينۆەستيتسيانى 1,5 ەسە ارتتىرۋعا بولادى.

«بيىل جەڭىل ونەركاسىپتى دامىتۋدىڭ جول كارتاسىن وزەكتەندىرۋ جۇمىستارى اياقتالادى. وندا توقىما وندىرىستەرىن قۇرۋ كەزىندە ينۆەستيتسيالىق شىعىنداردى وتەۋ، مەملەكەتتىك ساتىپ الۋ بارىسىندا وتاندىق وندىرۋشىلەردى قولداۋ شارالارى كوزدەلەدى»، - دەدى ۇكىمەت باسشىسى.

ءاليحان سمايىلوۆ يندۋستريالاندىرۋ كارتاسى اياسىندا بيىل تاماق ونەركاسىبىندە، قۇرىلىس يندۋسترياسىندا، ماشينا جاساۋدا، مەتاللۋرگيادا جانە باسقا سالالاردا 170 جوبانى ىسكە قوسۋ جوسپارلانعانىن ەسكە سالدى.

بۇل شامامەن 12,5 مىڭ تۇراقتى جۇمىس ورنىن قۇرۋعا مۇمكىندىك بەرەدى دەيتىن ەسەپ بار.

«قازىر پرەزيدەنت تاپسىرماسىنا سايكەس ءبىرقاتار باسىم باعىتتاردا جوعارى دەڭگەيدە وڭدەلگەن ءونىم شىعاراتىن كلاستەرلەردى قۇرۋ بويىنشا ءىرى جوبالاردىڭ تىزبەسى دايىندالۋدا.

اتاپ ايتقاندا، مۇناي، گاز جانە كومىر حيمياسىندا، مەتالدى تەرەڭ وڭدەۋ، ۋران ونەركاسىبى، ماشينا جاساۋ، اۆتوكومپونەنتتەر، تىڭايتقىشتار ءوندىرىسى جانە باسقا سالالاردا وسىنداي كلاستەرلەر قۇرۋ كوزدەلىپ وتىر. مۇندا ىشكى رەسۋرستاردى بارىنشا پايدالانۋعا جانە وففتەيك- كەلىسىمشارتتاردىڭ الەۋەتىن ىسكە قوسۋعا باسىمدىق بەرىلەتىن بولادى»، - دەدى پرەمەر- مينيستر.

اۆتور

ەسىمجان ناقتىباي

سوڭعى جاڭالىقتار