قورعانىس ءمينيسترىنىڭ ورىنباسارى تاعايىندالدى
استانا. KAZINFORM - قايرات سادىقوۆ قورعانىس ءمينيسترىنىڭ ورىنباسارى - قارۋلى كۇشتەرى اۋە قورعانىسى كۇشتەرىنىڭ باس قولباسشىسى لاۋازىمىنا تاعايىندالدى. بۇل تۋرالى اقوردانىڭ باسپا ءسوز قىزمەتى حابارلادى.
- مەملەكەت باسشىسىنىڭ وكىمىمەن قايرات انۋاربەك ۇلى سادىقوۆ قازاقستان رەسپۋبليكاسى قورعانىس ءمينيسترىنىڭ ورىنباسارى - قارۋلى كۇشتەرى اۋە قورعانىسى كۇشتەرىنىڭ باس قولباسشىسى لاۋازىمىنا تاعايىندالدى، - دەلىنگەن حابارلامادا.
قايرات سادىقوۆ شىعىس قازاقستان وبلىسىندا تۋعان. ورىنبور جوعارى زەنيتتى-زىمىران كوماندالىق ۋچيليشەسىن، قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتى جانىنداعى اكادەميالىق كۋرستاردى، د. قونايەۆ اتىنداعى ۋنيۆەرسيتەتتى «زاڭگەر» ماماندىعى بويىنشا بىتىرگەن.
ەڭبەك جولى: اۋە قورعانىسى كۇشتەرى باس قولباسشىسىنىڭ تاربيە جانە يدەولوگيالىق جۇمىستار جونىندەگى ورىنباسارى، قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرى تاربيە جانە يدەولوگيالىق جۇمىستار جونىندەگى باس باسقارماسىنىڭ باسشىسى بولدى.
II دارەجەلى «ايبىن»، «جاۋىنگەرلىك ەرلىگى ءۇشىن» وردەندەرىمەن جانە مەرەيتويلىق مەدالدارمەن ماراپاتتالعان.
