قورعانىس ءمينيسترىنىڭ كەيبىر بۇيرىعىنا وزگەرىستەر ەنگىزىلەدى
استانا. KAZINFORM - قورعانىس ءمينيسترىنىڭ كەيبىر بۇيرىعىنا وزگەرىستەر مەن تولىقتىرۋلار ەنگىزىلمەك. ءتيىستى قۇجات اشىق نورماتيۆتىك-قۇقىقتىق اكتىلەر پورتالىندا جاريالاندى.
قورعانىس ءمينيسترىنىڭ اسكەري قىزمەت وتكەرۋ ماسەلەلەرىن رەتتەيتىن بۇيرىقتارىنا قۇقىقتىق مونيتورينگ جۇرگىزۋ بارىسىندا ءىس جۇزىندە قولدانىلمايتىن نورمالار ناقتىلانعان. اتاپ ايتقاندا، قارۋلى كۇشتەرگە اۋىساتىن قۇقىق قورعاۋ جانە ارنايى ورگانداردىڭ قىزمەتكەرلەرىن قايتا اتتەستاتتاۋ ءۇشىن اسكەري وقۋ ورىندارىندا بازالىق كۋرستاردان ءوتۋ قاجەتتىلىگىن كوزدەيتىن نورما بار.
«مۇنداي جاعدايلاردىڭ شامالى سانىنا، ورىن اۋىستىرۋ مەرزىمدەرىنىڭ بەلگىسىزدىگىنە جانە بەلگىلى ءبىر بەيىندەگى مامانداردىڭ سۇرانىسىنا بايلانىستى كۋرستاردان وتپەي- اق قايتا اتتەستاتتاۋ جۇرگىزۋ ۇسىنىلادى. وسىعان بايلانىستى بۇيرىق جوباسىندا تاجىريبەدە قولدانىلمايتىن نورما الىپ تاستاۋعا جاتادى»، - دەدى قورعانىس مينيسترلىگىنەن.
قۇجات 5-جەلتوقسانعا دەيىن قوعامدىق تالقىلاۋعا شىعارىلىپ وتىر.
