قور نارىعىندا دوللار ارزاندادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا 1 دوللاردىڭ تەڭگەگە قاتىستى باعامى تومەندەدى.

كۇندىزگى ساۋدا-ساتتىق مالىمەتىنە قاراعاندا، دوللار قۇنى 0,91 تەڭگەگە تومەندەپ، 1 دوللار 443,35 تەڭگە بولدى.

ايتا كەتەيىك، ۇلتتىق بانكتىڭ 26-ساۋىرگە بەلگىلەگەن رەسمي باعامى - 1 دوللار ءۇشىن 444,22 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتتەرىندە دوللار 443,3 تەڭگەدەن ساتىلىپ جاتىر، ساتىپ الۋ - 444,7 تەڭگە.

ال، استانا قالاسىندا ساتۋ باعاسى - 442 تەڭگە بولسا، ساتىپ الۋ - 447 تەڭگە.

رەسەي ءرۋبلى الماتىدا 4,76 - 4,79 تەڭگە، استانادا 4,72- 4,82 تەڭگە ارالىعىندا ساۋدالانىپ جاتىر.