قور نارىعى ترامپتىڭ تاريفتەر تۋرالى مالىمدەمەسىنە رەاكسيا ءبىلدىردى
استانا. KAZINFORM – ا ق ش پرەزيدەنتى دونالد ترامپ يمپورت تاۋارلارىنا 10 پايىزدان 49 پايىزعا دەيىنگى جاڭا باج سالىعىن جاريالاعاننان كەيىن الەمدىك تەحنولوگيا الپاۋىتتارىنىڭ اكسيالارى قۇلدىرادى، دەپ حابارلايدى NBC News.
Apple اكسيالارى سارسەنبى كۇنگى ساۋدا-ساتتىقتا 6 پايىزدان استام تومەندەدى.
Apple تابىسىنىڭ كوپ بولىگىن نەگىزىنەن قىتايدا جانە ازيانىڭ باسقا بىرنەشە ەلىندە وندىرىلگەن قۇرىلعىلار قۇراپ وتىر.
تايۆاندا جاڭا چيپتەر جاساپ، جاساندى ينتەللەكت جۇيەلەرىن مەكسيكادا جانە باسقا جەرلەردە قۇراستىراتىن Nvidia اكسيالارى شامامەن 4 پايىزعا، ال ەلەكتروموبيل ءوندىرۋشى Tesla-نىڭ اكسيالارى 4,5 پايىزعا تومەندەدى.
مەگا كاپيتالدانداندىرۋعا يە باسقا كومپانيالار اراسىندا Alphabet ،Amazon جانە Meta اكسيالارى 2,5 پايىزدان 5 پايىزعا دەيىن، ال Microsoft اكسيالارى 2 پايىزعا جۋىق تومەندەدى.
بۇعان دەيىن پرەزيدەنت دونالد ترامپ ا ق ش- تىڭ بارلىق ساۋدا سەرىكتەستەرى ءۇشىن 10 پايىز تاريفتى جانە ءوزىنىڭ «امەريكا ءبىرىنشى كەزەكتە» اتتى باعدارلاماسى اياسىندا وزگە ونداعان مەملەكەتكە بارلىق سالانى قامتيتىن جوعارى باج سالىعىن ەنگىزۋدى قاراستىراتىن پاكەتىن ۇسىندى.
سونداي-اق دونالد ترامپ سىرتقى ساۋدا-ەكونوميكالىق تاجىريبە ۇلتتىق توتەنشە جاعداي تۋدىرعانىن مالىمدەپ، ا ق ش ەكونوميكاسى مەن امەريكالىق جۇمىسشىلاردى قورعاۋ ءۇشىن جاۋاپ تاريفتەرىن ەنگىزۋ تۋرالى جارلىق شىعاردى.
