قوجاناسىر تۋرالى فيلم تۇسىرىلەدى - شەتەلدەگى قازاق باسپا ءسوزى

фильм
فوتو: trt.net.tr

Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

تۇركى الەمىنە ورتاق فولكلور كەيىپكەرى قوجاناسىر تۋرالى فيلم تۇسىرىلەدى - TRT

باكۋدە VI دۇنيەجۇزىلىك مادەنيەتارالىق ديالوگ فورۋمى اياسىندا «ناسرەددين قوجا (قوجاناسىر) - قيىن كۇندەردىڭ دوسى» فيلمىنە قاتىستى باسپا ءسوز ءماسليحاتى ءوتتى.

بۇل تۋرالى تۇركيا راديو تەلەۆيزيا پورتالى حابارلادى.

باسپا ءسوز ءماسليحاتىندا ب ا ق وكىلدەرىنىڭ سۇراقتارىنا تۇرىكسوي باس حاتشىسى سۇلتان رايەۆ، فيلمنىڭ سەناريستى، ءارى رەجيسسەرى ۆاگيف مۇستافايەۆ جانە پروديۋسەرى زاۋر دارابزادە جاۋاپ بەردى.

«TRT»-نىڭ كەلتىرگەن دەرەكتەرىنە سۇيەنسەك، 2023 -جىلدىڭ قازان ايىندا تۇركى الەمىنىڭ مادەني استاناسى شۋشا قالاسىندا وتكەن تۇرىكسوي تۇراقتى كەڭەسىنىڭ 40-وتىرىسىندا تۇركى الەمىنىڭ ورتاق فولكلور كەيىپكەرى قوجاناسىر تۋرالى فيلم ءتۇسىرۋ تۋرالى شەشىم قابىلدانعانىن ەسكە سالعان رايەۆ فيلمدى ۇيىمعا مۇشە ەلدەردىڭ مادەنيەت مينيسترلىكتەرى مەن تۇرىكسوي ۇيىمى تۇسىرەتىنىن ايتتى.

تۇركى الەمىنىنە ورتاق فيلمىنىڭ ازەربايجانمەن قاتار تۇركيا، قازاقستان، قىرعىزستان جانە وزبەكستاندا تۇسىرىلمەك. رەجيسسەر ۆاگيف مۇستافايەۆتىڭ ايتۋىنشا، فيلمدە تۇرىك مەملەكەتتەرىنىڭ رەجيسسەرلەرى باس قوسادى. سول ارقىلى بار كۇش-جىگەرلەرىن ۇلكەن جاۋاپكەرشىلىكپەن جۇمساپ، كورەرمەندى قۋانتۋدى ماقسات ەتەدى.

ايتا كەتەيىك، پروديۋسەر زاۋر دارابزادە بولسا فيلمنىڭ وسى جىلدىڭ تامىز ايىندا تۇسىرىلە باستالاتىنىن ايتتى.

شينجاڭ، التاي: 7 ميلليون مال ەسەن-ساۋ كوكتەۋگە كوشتى - «حالىق گازەتى»

7 млн мал
فوتو: kaz.people.cn

التاي ايماعى ءداستۇرلى مال شارۋاشىلىعىمەن اينالىساتىن ءوڭىر. قورالى قوي شينجاڭنىڭ التاي قالاسىنداعى قىزىلتاس قالاشىعىنىڭ جايىلىمىندا جايىلىپ ءجۇر، دەپ حابارلايدى قىتايدىڭ «حالىق گازەتى».

اتالعان باسىلىمنىڭ كەلتىرگەن مالىمەتتەرىنە سۇيەنسەك، التاي ءىرى مال شارۋاشىلىق ءوڭىرى سانالادى. جىل سايىن كوكتەم باستالعاننان كەيىن مالدىڭ كوپ بولىگى قىستاۋلىقتان كوكتەۋلىككە قاراي قونىس اۋدارادى. قازىرگى ۋاقىتتا بۇكىل ايماق بويىنشا 7 ميلليون باس (تۇياق) مال كوكتەۋلىككە قاۋىپسىز كوشىرىلدى، مۇندا 45 كۇن ايالداعاننان كەيىن تاۋ قويناۋىنداعى جازعى جايىلىمعا، جايلاۋعا كوشىرىلەدى.

الماتىدا پارسى تىلىنەن وليمپيادا ءوتتى - Parstoday

Алматы
فوتو: parstoday.ir

قازاق ۇلتتىق قىزدار پەداگوگيكالىق ۋنيۆەرسيتەتىنىڭ عىلىم ونكۇندىگىنىڭ ءىس-شارالار كۇنتىزبەسىنە سايكەس فيلولوگيا ينستيتۋتى مەن الماتىداعى يران يسلام رەسپۋبليكاسى باس كونسۋلدىعىنىڭ ۇيىمداستىرۋىمەن قازاقستاننىڭ جوعارى وقۋ ورىندارىندا پارسى ءتىلىن ەكىنشى شەت ءتىلى رەتىندە وقيتىن ستۋدەنتتەر اراسىندا قالىپتاسقان داستۇرمەن جەتىنشى رەت تىلدىك وليمپيادا ءوتتى.

بۇل تۋرالى يراننىڭ «Parstoday» اقپارات اگەنتتىگى دە حابارلادى.

اتالعان باسىلىمنىڭ كەلتىرگەن مالىمەتىنە سۇيەنسەك، وليمپيادانىڭ اشىلۋىنا الماتى قالاسىنداعى يران يسلام رەسپۋبليكاسىنىڭ باس كونسۋلى موحسەن فاعاني، قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستراتەگيالىق دامۋ جانە الەۋمەتتىك جۇمىس جونىندەگى پرورەكتورى رىسبەكوۆا جانار قاسىمبەك قىزى، فيلولوگيا ينستيتۋتىنىڭ ديرەكتورى اشينوۆا كۇنيپا، الماتىداعى يران يسلام رەسپۋبليكاسى باس كونسۋلدىعىنىڭ مادەني وكىلدىگىنىڭ باسشىسى حوسسەين اعازادە، ينستيتۋتتىڭ كوشباسشىلارى، وقىتۋشىلارى جانە ستۋدەنتتەرى قاتىستى.

وليمپياداعا پارسى ءتىلىن ەكىنشى شەت ءتىلى رەتىندە وقىپ جاتقان قازاق ۇلتتىق قىزدار پەداگوگيكالىق ۋنيۆەرسيتەتى، ءال-فارابي اتىنداعى قاز ۇ ۋ ستۋدەنتتەرى ءوزارا باق سىناپ، بىلىمدەرىن ورتاعا سالعان.

شارانى قازاق ۇلتتىق قىزدار پەداگوگيكالىق ۋنيۆەرسيتەتى فيلولوگيا ينستيتۋتىنىڭ ديرەكتورى اشينوۆا كۇنيپا اشىپ، پارسى ءتىلىنىڭ ماڭىزدىلىعى، ۋنيۆەرسيتەتتە پارسى ءتىلىن وقىپ جاتقان ستۋدەنتتەردى ۇنەمى قولداپ، كومەكتەسىپ جاتقان يران يسلام رەسپۋبليكاسىنىڭ باس كونسۋلدىعى مەن مادەني وكىلدىگىنىڭ باسشىسىنا العىس ايتىپ، وليمپياداعا قاتىساتىن ستۋدەنتتەرگە ساتتىلىك تىلەگەن.

ايتا كەتەۋ كەرەك، وليمپيادانىڭ جابىلۋىندا الماتىداعى يران باس كونسۋلدىعىنىڭ مادەني وكىلدىگىنىڭ باسشىسى حوسسەين اعازادە جەڭىمپازداردى ماراپاتتاپ، ءارقايسىسىنا اقشالاي سىياقى بەردى.

3 ايدا وزبەكستانعا 1,5 ميلليون شەتەلدىك تۋريست كەلدى - «ءوز ا»

3 айда Өзбекстанға 1,5 миллион шетелдік турист келді
فوتو: Uza.uz

2024 -جىلدىڭ قاڭتار- ناۋرىز ايلارىندا وزبەكستانعا 1,5 ميلليون شەتەلدىك تۋريست كەلدى. ستاتيستيكا اگەنتتىگىنىڭ مالىمەتىنشە، 2024 -جىلدىڭ العاشقى 3 ايىندا وزبەكستانعا تۋريستىك ماقساتپەن 1 ميلليون 519 مىڭ شەتەلدىك ازامات كەلگەن. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 31,7 مىڭ ادامعا نەمەسە 2,1 پايىزعا ارتقان، دەپ حابارلايدى وزبەكستاندىق «ءوز ا» اقپاراتتىق اگەنتتىگى حابارلادى.

اتالعان ب ا ق-تىڭ دەرەگىنشە، بيىلعى جىلدىڭ قاڭتار- ناۋرىز ايلارىندا وزبەكستانعا تۋريستىك ماقساتپەن كەلگەن شەتەل ازاماتتارىنىڭ سانى جاريالانعان.

اتاپ ايتقاندا، تاجىكستان - 536,5 مىڭ ادام، قىرعىزستان - 442 مىڭ ادام، قازاقستان - 262,6 مىڭ ادام، رەسەي - 134,2 مىڭ ادام، تۇركىمەنستان - 31 مىڭ ادام، تۇركيا - 21,5 مىڭ ادام، ءۇندىستان - 11,6 مىڭ ادام، قىتاي - 10 مىڭ ادام، وڭتۇستىك كورەيا - 7,6 مىڭ ادام، گەرمانيا - 3,8 مىڭ ادام، باسقا ەلدەر - 58,5 مىڭ ادام ساياحاتتاپ كەلگەن ەكەن.

مۇقيات جارمۇقامەت ۇلى شينجاڭ ولكەلىك حالىق ۇكىمەتى ءتوراعاسىنىڭ ورىنباسارى بولىپ تاعايىندالدى - «جەنمين جيباو»

жаңа қызметке тағайындалды
فوتو: ts.cn

مۇقيات جارمۇقامەت ۇلى ەسىمدى قانداسىمىز شينجاڭ- ۇيعىر اۆتونوميالى ولكەسى حالىق ۇكىمەتى ءتوراعاسىنىڭ ورىنباسارى قىزمەتىنە تاعايىندالدى، دەپ حابارلايدى «جەنمين جيباو».

اتالعان ب ا ق-تىڭ حابارلاۋىنشا، 8-مامىر كۇنى ۇرىمجىدە شينجاڭ- ۇيعىر اۆتونوميالى ولكەسىنىڭ XIV حالىق وكىلدەرى جينالىسى تۇراقتى كوميتەتىنىڭ X ءماجىلىسى وتكەن. داۋىس بەرۋدەن كەيىن مۇقيات جارمۇقامەت ۇلىن شينجاڭ- ۇيعىر اۆتونوميالىق ولكەسى حالىق ۇكىمەتىنىڭ ءتوراعاسىنىڭ ورىنباسارى لاۋازىمىنا تاعايىنداۋ تۋرالى شەشىم قابىلدانعان. ارتىنشا كونستيتۋتسيالىق انت قابىلداۋ ءراسىمى وتكەن.

ايتا كەتەيىك، مۇقيات جارمۇقامەت ۇلى 1967 -جىلى قازاندا ق ح ر التاي ايماعىنىڭ جەمەنەي اۋدانىندا تۋعان. ورتالىق پارتيا مەكتەبىنىڭ اسپيرانتى، قىتاي كوممۋنيستىك پارتياسىنىڭ مۇشەسى، قازىر ش ۇ ا ءو حالىق ۇكىمەتىنىڭ ورىنباسار ءتوراعاسى، ش ۇ ا ءو كاسىپوداقتار فەدەراتسياسىنىڭ ءتوراعاسى، قىتاي مەملەكەتتىك كاسىپوداقتار فەدەراتسياسىنىڭ ورىنباسار ءتوراعاسى(قوسىمشا وتەيدى). كەزىندە ورىنباسار اكىم، اۋداندىق پارتكومنىڭ ورىنباسار ءتوراعاسى، ايماقتىق اكىمشىلىك مەكەمەسىنىڭ باس حاتشىسى، ورىنباسار ءۋالي(ايماق اكىمى)، ورىنباسار وبلىس اكىمى، شينجاڭ ۇيعۇر اۆتونوميالى ولكەلىك حالىق قۇرىلتايى تۇراقتى كوميتەتىنىڭ ورىنباسارى قاتارلى مىندەتتەردى وتەگەن.

اۆتور بەيسەن سۇلتان

سوڭعى جاڭالىقتار