قۇتقارۋشىلار الماتى تۇرعىندارىنا تاۋعا شىقپاۋعا كەڭەس بەردى

الماتى. KAZINFORM - كۇننىڭ بۇزىلۋىنا بايلانىستى توتەنشە جاعدايلار دەپارتامەنتى تۇرعىنداردى تاۋعا شىقپاۋعا شاقىردى.

«19- مامىردا نوسەر جاڭبىر جاۋىپ، نايزاعاي ويناپ، داۋىل تۇرادى. سولتۇستىك-باتىستان سوعاتىن جەلدىڭ ەكپىنى سەكۋندىنا 15- 20 مەترگە دەيىن جەتەدى. وسىعان بايلانىستى قالا قوناقتارى مەن تۇرعىنداردى تاۋعا شىقپاۋعا شاقىرامىز، - دەپ حابارلادى قالالىق توتەنشە جاعدايلار دەپارتامەنتىنەن.

سونداي-اق، كولىكتەردى اعاشتاردىڭ تۇبىنە قويماۋعا جانە ءتۇرلى قۇرىلىمنىڭ استىندا تۇرماۋعا كەڭەس بەردى.

وسىعان دەيىن الماتىنىڭ كوممۋنالدىق قىزمەتتەرى كۇشەيتىلگەن رەجيمگە كوشكەنى تۋرالى جازعانبىز.

ەسكە سالايىق، بۇعان دەيىن توتەنشە جاعدايلار دەپارتامەنتى اپتاپ ىستىققا بايلانىستى الماتى تۇرعىندارىنا ۇندەۋ جاساعان بولاتىن.