قۇرىلىس كودەكسى قايتا ازىرلەنۋى مۇمكىن
استانا. KAZINORM - قۇرىلىس كودەكسى قايدا ازىرلەنۋى مۇمكىن. مۇنداي پىكىردى ءماجىلىس دەپۋتاتى ماگەررام ماگەرراموۆ ءبىلدىردى.
ايتا كەتەيىك، بۇگىن ماجىلىستە جاڭا قۇرىلىس كودەكسىنىڭ جوباسىنا قاتىستى ساراپشىلىق كەزدەسۋ وتكەن بولاتىن.
«بۇل كودەكس ەندى ءتۇستى. مۇمكىن ول 100 پايىز قايتادان ازىرلەنۋى مۇمكىن. ونى ءبىز، دەپۋتاتتار شەشەمىز. سوندىقتان دا بۇگىن كاسىبي مامانداردىڭ پىكىرىن تىڭداعىمىز كەلدى. مەن قۇرىلىسشى ەمەس، زاڭگەرمەن. سوندىقتان قۇجاتتا نەنى دۇرىس جاساماۋىمىز مۇمكىن ەكەندىگىن تۇسىنگىم كەلەدى»، - دەدى كەزدەسۋدەن كەيىن ول اگەنتتىك تىلشىسىنە بەرگەن سۇحباتىندا.
ءماجىلىس دەپۋتاتى قۇرىلىسشىلارعا قاتىستى تالاپتى قاتاڭداتۋ مۇمكىندىگىنە قاتىستى پىكىر ءبىلدىردى.
«جاۋاپكەرشىلىككە قاتىستى ايتار بولسام، قازىرگى ۋاقىتتا ءبىز بيزنەس ءۇشىن جايلى جاعداي جاساۋ مۇمكىندىكتەرىن ىسكە اسىرماق ەمەسپىز. ادامداردىڭ دا قاۋىپسىزدىگىن ويلاعان ءجون»،-دەدى ماگەررام ماگەرراموۆ.
اۆتور
مارلان جيەمباي
