قۇربان شالۋ ورىندارى بەكىتىلدى

استانا. KAZINFORM - قازاقستان مۇسىلماندارى ءدىني باسقارماسىنا قاراستى «زەكەت جانە قايىرىمدىلىق» قورى قۇربان ايت مەرەكەسى كەزىندە ەلىمىز بويىنشا قۇربان شالۋعا ارنالعان ارنايى ورىنداردىڭ ءتىزىمىن ۇسىندى.

استانا قالاسى بويىنشا قۇربان شالۋ ءراسىمى «جايلاۋ»، «باراكات»، «شانحاي»، «شوپان اتا»، «ەت حان»، «شاۋشەن» شارۋا قوجالىعى - الاش تاس جولى، 136ب مال بازارلارىندا جۇزەگە اسىرىلادى

الماتى قالاسىنىڭ تۇرعىندارى قۇرباندىقتى «التىن ساقا» مال بازارىندا شالا الادى.

شىمكەنت قالاسىندا قۇربان شالۋ ورنى رەتىندە «حالال قاساپ» مال بازارى مەن قاساپحاناسى بەلگىلەندى.

اباي وبلىسى، سەمەي قالاسىندا - «سارى» مال بازارى جانە «اقشىڭ» قاساپحاناسى.

اقمولا وبلىسى، كوكشەتاۋ قالاسىندا - «بيجان ەت وڭدەۋ» جانە قالالىق مال بازارلارىندا.

اقتوبە قالاسىندا قۇربان شالۋ سپك «ايبەك» ەت كومبيناتى، «دالا ەلى» ج ش س، «ەسىك» ج ش س، جك «مولدابەكوۆ»، ج ك «قاسىم» مال بازارلارىندا وتەدى.

الماتى وبلىسىندا قۇرباندىق قونايەۆ قالاسى، قارلىعاش شاعىناۋدانىندا شالىنادى.

اتىراۋ قالاسىندا - «تۋما» مال بازارى مەن «يمانعالي»، «قۇسپان موللا»، «ق. مۇڭايتپاسوۆ» مەشىتتەرىندە.

باتىس قازاقستان وبلىسى، ورال قالاسىندا - «ەل ىرىسى» جانە «ادال ەت» مال بازارلارى.

جامبىل وبلىسى، تاراز قالاسىندا - «بايدانوۆ» جانە «رامازان» مال بازارلارى.

جەتىسۋ وبلىسى، تالدىقورعان قالاسىندا - «3- بولىمشە» تۇرعىن ءۇي الابى مەن قالالىق مال بازارى.

قاراعاندى قالاسىندا — «توو اراي ك ز» (گوگوليا 2/23)، «ش ق حاسەنوۆ» (سەيفۋللينا 53)، «ي پ ابيشەۆ» (رەزنيكا 18) مەكەنجايلارىندا ورنالاسقان مال بازارلارى.

قوستاناي قالاسىندا - «اميگو» جانە «سويۋز» ت س مال بازارلارى.

قىزىلوردا قالاسىندا - 1 مال بازارى كزو ەت قۇربان شالۋ ءۇشىن بەلگىلەنگەن.

ماڭعىستاۋ وبلىسى، اقتاۋ قالاسىندا - «كوركەم الەم ەت كومبيناتى» مال بازارى.

پاۆلودار قالاسىندا - «قۇلاگەر» يپپودرومى.

سولتۇستىك قازاقستان وبلىسى، پەتروپاۆل قالاسىندا - جۇمىسشى كەنتىندەگى (كوسموناۆتار كوشەسى، 2) مال بازارى.

تۇركىستان وبلىسىندا «تۇركىستان-احمەت ياسساۋي» وبلىس ورتالىق مەشىتى، «كەنتاۋ ورتالىق»، «شولاققورعان ورتالىق»، «ىسقاق» ورتالىق، «داۋلەت ۇلى بەگالى اتا»، «تۇلكىباس اتا»، «ناقىپبەك ۇلى اۋەن»، «ى. يماناليەۆ»، «نۇر»، «مۇسىلماندار»، «ابدۋل اكىم»، «شاردارا ورتالىق»، «نۇعمان»، «ساتىبالدى يمانبەردى ۇلى»، «دەرۆيش ءالي» مەشىتتەرى، سونداي-اق «قۇلاگەر ە ت» ج ش س، «قارابۇلاق»، «سايرام» قاساپحانالارى قۇربان شالۋ ءۇشىن ارنايى بەلگىلەنگەن.

ۇلىتاۋ وبلىسى، جەزقازعان قالاسىندا — «قۇلجانوۆ» جانە «رىباچي» مال بازارلارى.

شىعىس قازاقستان وبلىسى، وسكەمەن قالاسىندا - «اتىعاي اسۋى» قۇربان شالۋ ورنى.

ايتا كەتەيىك، قۇربان ايت مەرەكەسى 6 -ماۋسىمدا باستالادى. قازاقستان مۇسىلماندارى ءدىني باسقارماسى قۇربان شالۋ ءراسىمىن قاشىقتان وتكىزۋگە ارنالعان سايتىن ىسكە قوسقان بولاتىن.