قۇربان ايت - 2025: قازاقستان حالقى قانشا كۇن دەمالادى

استانا. KAZINFORM - بيىل قۇربان ايت مەيرامىنىڭ ءبىرىنشى كۇنى 6-ماۋسىم، جۇماعا ءتۇسىپ تۇر.

قازاقستان مۇسىلماندارى ءدىني باسقارماسى بەكىتكەن ءدىني مەرەكەلەر كەستەسىنە سايكەس «قۇربان ايت» مەيرامى ءۇش كۇن بويى (6-8-ماۋسىم) تويلانادى.

قازاقستان رەسپۋبليكاسى ەڭبەك كودەكسىنىڭ 84-بابىنا سايكەس، قۇربان ايتتىڭ ءبىرىنشى كۇنى جۇمىس رەجيمى مەن اۋىسىمدىق (ۆاحتالىق) كەستەگە قاراماستان دەمالىس سانالادى.

وسىلايشا، ماۋسىم ايىندا قازاقستاندىقتار 5 كۇندىك جانە 6 كۇندىك جۇمىس جاعدايىندا دا قوسىمشا ءبىر كۇن دەمالادى:

- بەس كۇندىك جۇمىس اپتاسى – 6، 7 جانە 8-ماۋسىم دەمالىس؛

- التى كۇندىك جۇمىس اپتاسى - 6 جانە 8-ماۋسىم دەمالىس، ال 7-ماۋسىم جۇمىس كۇنى.