قۇران بايقاۋىندا جاس قاري جاڭا كولىك جەڭىپ الدى

اقتاۋ قالاسىنداعى «بەكەت اتا» ورتالىق مەشىتىندە قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قۇران كارىمدى جاتقا جانە مانەرلەپ وقۋدان ХІІ رەسپۋبليكالىق بايقاۋى مارەسىنە جەتتى، دەپ حابارلايدى قازاقپارات ءتىلشىسى.

Құран байқауы
Фото: Фото: ҚМДБ баспасөз қызметі

80 ۇمىتكەر قاتىسقان بايقاۋدىڭ جەڭىمپازدارى مەن جۇلدەگەرلەرىن ماراپاتتاۋ راسىمىنە ق م د ب ءتوراعاسى، باس ءمۇفتي ناۋرىزباي قاجى تاعان ۇلى، ساۋاپتى ءىس-شاراعا دەمەۋشىلىك جاساعان باحاريدين ابليازيموۆ، زيالى قاۋىم وكىلدەرى قاتىستى.

«اللاعا سانسىز شۇكىرلەر بولسىن، جاسىنان قۇران جاتتاعان قاريلاردىڭ بايقاۋىن قورىتىندىلاپ، ماراپاتتاپ وتىرمىز. وسى بايقاۋدى وتكىزۋگە اتسالىسقان قمدب ۇجىمى مەن ماڭعىستاۋ وبلىستىق وكىلدىگىنە، قاريلاردى باستاپ كەلگەن وبلىستاردىڭ باس يمامدارى مەن بارشا ءدىن قىزمەتكەرلەرىنە، سونىمەن قاتار دەمەۋشى بولعان باحاريدين نۇعمان ۇلىنا، ءسادۋاقاس ولجابايەۆ قاريىمىز باستاعان ءادىلقازى مۇشەلەرىنە العىسىمدى بىلدىرەمىن. بايقاۋعا قاتىسقان قاريلارىمىزدىڭ ءبارى جەڭىمپاز اتاندى دەپ سانايمىن. ويتكەنى بۇل بايقاۋ ءاربىر قاريعا ۇلكەن جىگەر سىيلادى. جۇلدەلەرىڭىز قۇتتى بولسىن!»، - دەدى باس ءمۇفتي ماراپاتتاۋ راسىمىندە.

سونىمەن قازىلار القاسىنىڭ شەشىمىمەن 4 اتالىم بويىنشا جەڭىس تۇعىرىنان كورىنگەن قاريلاردىڭ ءتىزىمى تومەندەگىدەي:

«مانەرلەپ وقۋ» بويىنشا:

I ورىن ( 1000000 تەڭگە) - ەربولات شاۋدىرباي (قاراعاندى وبلىسى)

Ⅱ ورىن (700000 تەڭگە) - سالامات يمانعاليەۆ (اتىراۋ وبلىسى)

Ⅲ ورىن (500000 تەڭگە) - سۇلتان بەگىموۆ (الماتى قالاسى)

قۇران بايقاۋى

«10 پارا» بويىنشا:

I ورىن (1500000 تەڭگە) - ماحمۇت مىرزاحمەتوۆ (الماتى قالاسى)

Ⅱ ورىن (1000000 تەڭگە) - احات مولدين (قاراعاندى وبلىسى)

Ⅲ ورىن (750000 تەڭگە) - ابدۋعاني مىرزابەك (جەتىسۋ وبلىسى)

«20 پارا» بويىنشا:

I ورىن (3000000 تەڭگە) - نۇريسلام احمەتجان ۇلى (اتىراۋ وبلىسى)

Ⅱ ورىن (2000000 تەڭگە) - ايتحان دياس (تۇركىستان وبلىسى)

Ⅲ ورىن (1500000 تەڭگە) - ابدۋلازيز ابدۋلباقي (استانا قالاسى)

IV ورىن (800000 تەڭگە) - قاسىم رۋزيحان (قاراعاندى وبلىسى)

V ورىن (500000 تەڭگە) - جۇبان ءادىلقايىر (الماتى قالاسى)

«30 پارا» بويىنشا:

I ورىن (اۆتوكولىك) - نيعماتۋللا ءابدىازىموۆ (الماتى قالاسى)

Ⅱ ورىن (3000000 تەڭگە) - راقىمجان مىرزاتاي (ماڭعىستاۋ وبلىسى)

Ⅲ ورىن (2000000 تەڭگە) - نۇرتىلەۋ سەيىتقاسىم (قاراعاندى وبلىسى)

IV ورىن (1000000) - يسلامنۋري يگىلىك (شىمكەنت قالاسى)

V ورىن (700000) - نۇرمۇحامەد ليروۆ (جامبىل وبلىسى)

سوڭعى جاڭالىقتار